Reportajen Adalgisa Pereira
Iha selebrasaun tais festival nu’udar “patrimóniu kulturál immaterial” ne’ebe mak hetan ona rekoñesementu no tama ona iha lista UNESCO Paris nian iha mundu.
Tuir Diretora Ezekutiva Fundasaun Alola Maria I. Guterres orgullu husi prosesu naruk, ne’ebe ekipa Patrimóniu Kulturál Immaterial (PKI) halo no Ministériu relevante sira to’o 14 Dezembru 2021, hetan ona nomeasaun iha UNESCO Paris ka tama iha lista UNESCO nian nu’udar elementu patrimóniu kulturál immaterial iha mundu, tan nee husu ba ministériu relevante atu aselera rezolusaun.
“Ita orgullu tebes tanba ita boot sira sei hanoin iha tinan 2 liuba, ita preokupa informasaun realidade impaktu katak ema kopi ita nia tais, maibé ita agradese ba ekipa KPI ne’ebe lidera husi SEAK no MTCI no sira seluk, tanba ita hetan ona rekoñesementu husi UNESCO no husu ba MTCI atu aselera lalais rezolusaun Konsellu Ministru ba aprovasaun fardamenta, ba funsionáriu públiku no estudante sira uza Tais, atu nune sai hanesan asaun konkreta ida, oinsa ita próteze no salva guarda, liuliu prezerva ita nia tais ” dehan Diretora Ezekutiva Fundasaun Alola, Maria Guterres iha hotel Novo Turizmu 28/02
Nia espera ba oin governu sei investe mos fundus ba apoiu Patrimóniu kulturál Immaterial atu nune alkansa planu sira ne’ebe trasa ona atu proteje tais nia orijinál, labele lakon no involve foin sa’e sira iha soru tais, hodi hetan servisu hamutuk.
Tuir planu atu halo fardamentu ba funsionariu publiku no estudante sira, hetan ona apoiu orsamentu husi USAID liuhusi projetu Tourism for all, ho montante 30 mill resin, ba halo festival no no feira tais
Iha fatin hanesan tuir Sekretáriu Estadu Arte Kultura, Rezolusaun parlamentu iha númeru 2/2022 konaba loron nasionál tais sei monu iha 14 Dezembru no governu halo dekretu lei.
“Preokupasaun nee mak produsaun tais lei do direitu, autór mak Parlamentu aprova no lori ba Prezidente, promulga ona proteje ema seluk, labele kopi ona no obrigatóriu tais orijinál ne’e mak ita sosa, kestaun mak kapasidade prodúz no sosa tais print”, informa Sekretariu Estadu Teofilio Caldas
