Home Notisia Armanda nia Figura Nu’udar Prezidente KHUNTO, Mehi Prinsipal Kontribui Ba Dezenvolvimentu Nasional

Armanda nia Figura Nu’udar Prezidente KHUNTO, Mehi Prinsipal Kontribui Ba Dezenvolvimentu Nasional

519
0
Kandidatu PR, Armanda Berta dos Santos. [Foto: Partidu KHUNTO | 02.03.2022]

Reportajen Adroaldo ‘Saretukau’

Armanda Berta dos Santos nia pozisaun atualmente nu’udar Prezidenti Partidu KHUNTO, atual Vise-Primeira Ministra no Ministra Solidariedade Sosiál no Inkluzaun. Data hahú nia pozisaun mak 22 de Junu 2018 no sei remata mandatu 22 de Juñu  de 2023. Hela fatin, Soro, munisípiu Ainaro, moris iha Maloa, Díli, loron 11 fulan Outubro tinan 1974 ho tipu grupo Sanguíneo O, nu’udar fen-kaben hosi atual Konselleru másimu Partidu KHUNTO Jose dos Santos “Naimori Bukar.”

Armanda nu’udar feto timoroan ne’ebé interese ba povu no Nasaun Timor-Leste, mehi prioridade prinsipal maka kontribui ba dezenvolvimentu nasionál, tamba ne’e maka durante iha tempu libertasaun até agora ativu iha aktividade polítika no oras ne’e dadaun lidera hela Partidu Kmanek Haburas Unidade Nasionál Timor Oan (P.KHUNTO), hanesan Prezidente Partidu KHUNTO no BANCADA PARLAMENTAR: P.KHUNTO, DATA DE INÍCIO: 05/09/2017/ IV LEGISLATURAS, PERÍODOS E PARTIDOS COMO DEPUTADO: Partido Kmanek Haburas Unidade Nasionál Timor Oan (P.KHUTO). Iha tempu hetan fiar husi Aliança Maioria Parlamentar (AMP) iha VIII Governu Konstitusional asumi knaar hanesan  Ministra Solidariedade Sosiál no Inkluzaun (MSSI) ba Periódu 2018 to’o 2023, no Vise-Primeira Ministra VIII Governu Konstitusional.

Nia remata nível lisensiatura iha área espesializasaun Gestaun iha tinan 2012 no akaba Mestrado iha área espesializasaun Gestaun Governativa iha Tinan 2015, kategoria hanesan graduada ne’ebé iha kualifikadu tuir rezultadu estudu iha pilares edukasaun, pesquiza no dedikasaun Sosiál. Nune’e mós iha parte seluk sempre ativu iha aktividade organizasaun libertasaun independénsia no Partidu polítika nu’udar prioridade prinsipal luta ba futuru nasaun no povu Timor-Leste leste.

Iha Prosesu luta ba libertasaun ba povu no nasaun antes no depois de referendum, sempre ativu iha atividades semináriu sientífiku, Konferénsia no kongresu, liu-liu atividades akadémika ne’ebé relasaun ho Gestaun Governativa no atividades Partido Polítika. Nu’udar lideransa Partido Politika misaun Prioridade ne’ebé maka tane aas hanesan; Paz, estabilidade, Seguransa no Unidade Nasionál nune’e mos nu’udar Ministra Solidariedade Sosiál no Inkluzaun (MSSI) Periódu 2018 to’o 2023, sei servisu makas ba povu nia moris di’ak.

Durante tinan 1975 halai husi Díli ba ai-laran no fila fali mai villa iha tinan 1980 hodi kontinua fali estudu iha Ensinu Primária, Ensinu Pre-Sekundária no Ensinu Sekundária iha Munisípiu Ainaro. Iha Ensinu Sekundária hetan Bea-siswa (Bolsu Estudo) hodi hasai kursu Lisiensiada (S1) iha Universidade da Paz (UNPAZ) no hasai Mestrado (S2) iha UTS Surabaya. Nia sempre ativu mós iha atividades semináriu sientifiku Gestão.

Nu’udar  feto  envolve aan mós servisu iha Libertasaun Nasionál maske ho idade ne’ebé ki’ik, maibé fó ona apoiu hodi servisu  hamutuk ho maun boot ne’ebé naran Kódigu “LABOK”. Servisu mós hanesan pelu ho kodigu Inan Halibur Rai Klaran (IHRK). Sai mos nu’udar membru Klandestina iha organizasaun  “FITUN” hamutuk ho Kaben, José dos Santos “Naimori Bukar”, iha Munisípiu (4) maka hanesan: Aileu, Ainaro, Same no Suai iha Tinan 1994 hodi kontribui ba luta libertasaun ba Independénsia. Alein de ne’e subtitui hanesan mós deputada Aliança Demokrata (AD) iha tinan 2011.

Print Friendly, PDF & Email

LEAVE A REPLY

Please enter your comment!
Please enter your name here