Reportajen Zevonia Vieira
Liuhusi konferénsia imprensa Koordenadór ekipa susesu Virgílio da Silva Guterres Lamukan, hodi hato’o kritika ba Komisaun Nasionál Eleisaun (CNE), relasiona ho CNE hili GMN TV atu sai uma nain ba debate entre kandidatu Prezidente Republika periodu 2022-2027
Husi kandidatu Prezidente Virgílio da Silva Guterres Lamukan iha loron hira liubá nia halo protesta krítiku makaas iha media sosiál katak, se la uza empreza públiku ne’ebé harii husi estadu, estadu rasik mak promove no estadu rasik mak sai responsavel ba institutu RTTL, maibé hili fali empreza privadu ida ne’e ba hau situasaun ne’ebe la dun diak tanba iha tinan barak nia laran, liu-liu Ministériu Asuntu Parlamentar no Komunikasaun Sosial , ne’ebe implementa hela programa dijitalizasaun RTTL, ida ne’e halo promosaun ho liafuan mamuk deit ka oinsá.
Laiha razaun katak RTTL kompara ho GMN TV laiha kualidade, se RTTL laiha kualidade duni entaun iha tinan 20 nia laran estadu ne’e la halo buat ida, nusa estadu rasik la promove no hadia kualidade RTTL nian.
“Ami halo krítiku makaas ba prosesu ida ne’e, laos dehan katak ami atu halo boikota ba debate, maibe kontinua nafatin uza duni espasu publiku, atu fo ami nia lian ba povu tomak iha territóriu laran, maibe fo lamentasaun ba estadu tanbasá la fo fiar ba RTTL atu sai uma nain ba debate publiku ne’ebe kada tinan 5 sempre halo”, dehan Pedrito Vieira 15/03.
Iha konferensia imprensa ekipa susesu nain rua ne’e fo atensaun ba aspetu sira katak iha eleisaun prezidensial 2017, CNE hili RTTL EP, no espasu debate mak salaun Larigutu CNE nian. Ba eleisaun prezidensial ida ne’e RTTL.EP husu 24 mill ba kobre tranzmisaun direta no serbisu sira seluk, inklui aluga espasu ba debate, palku, kadeira, dekorasaun no seluk tan.
Tuir informasaun fosa husi Prezidente CNE, Jose Agostinho da Costa Belo Pereira, hili GMN tanba baratu liu RTTP.EP katak ninia kustu 12 mil deit, maibe husi ekipa susesu rua ne’e ota katak la refere ba kustu sira seluk
Atu garante responsabilidade ne’e mak Estadu hari meiu komunikasaun sosial RTTL.EP halo formasaun no sensibilizasaun nakloke ba jornalista sira hotu, la haree serbisu ba orgaun komunikasaun sosial ne’ebe deit no mos ba sosiedade en-jeral.
Estadu mos iha Consellu Impresa nu’udar orgaun independente artigu 2, estatu CI, aprovadu liuhusi dekretu Lei no.25/2015 de 5 Agostu no.42 Lei Komunikasaun Sosial , ne’ebe iha mos kompeténsia atu ezerse podér dixiplinár ba jornalista sira artigu 14 Estatutu CI e 43 e 44 alinea C, Lei Komunikasaun Sosial ba konduta jornalista sira nian ne’ebe viola deveres jornalista nian.
