Home Notisia Folin Kombustivel Sa’e Husi Inflasaun 15%-21%, TANE: Governu Mak Tenke Regulariza Merkadu

Folin Kombustivel Sa’e Husi Inflasaun 15%-21%, TANE: Governu Mak Tenke Regulariza Merkadu

348
0
Prezidente Asosiasaun TANE Konsumidór, António Ramos da Silva. [Foto: Umbelina | 08.04.2022]

Reportajen Umbelina dos Reis

Prezidente Asosiasaun TANE Konsumidór, António Ramos da Silva hato’o ba públiku relasiona ho folin kombustivel ne’ebe sa’e maka’as iha semana rua ikus ne’e iha Timor-Leste, ne’ebé halo inflasaun sa’e hosi 15% to’o 21%. Situasaun ne’e akontese no afeita dala barak ba konsumidór sira, tanba relasaun entre konsumidór ho operadór ekonómiku nian sei fraku, ne’ebé sei fo mos impaktu ba transporte públiku sira halo mobilidade ba estudante no pasajeiru en jerál.

António Ramos hateten faktus hatudu folin mina ne’ebé Tane Konsumidór foti iha fulan rua nia laran, halo komparasaun ba loron 14 Marsu ne’ebé Tane fó sai ba Públiku liu husi mídia, agora loron 7 Abríl dadus Tane Konsumidór foti husi loron 5 Abríl, dadus ne’ebé Tane Konsumidór hetan kompara ho loron 28 Fevereiru nian.

Dadus foun ne’ebé Tane Konsumidór hetan mak folin ba gazóel sa’e maka’as kompara ho folin gazolina ne’ebé mak tun, normalmente gazolina iha leten no gazoel iha kraik. Kompañia ETO iha loron 14 Marsu fa’an folin gazoel 1,16% no gazolina 1,18% maibé iha loron 5 Abril gazoel sa’e ba 1,37% no gazolina sa’e ba 1,33%, ne’e atu hatudu katak inflasaun iha semana rua nia laran sa’e ba 15% até 21% ne’e brutal oi-tuan, dehan António Ramos.

“Normalmente folin mina iha mundu, gazolina folin aas liu kompara ho gazoel, maibé bazeia ba dadus ne’ebe Tane Konsumidor hetan iha loron 5 Abril 2022 hatudu folin gazoel nian sa’e liu duke gazolina,” hatete António Ramos.

Enkuantu iha Pertamina mina folin sa’e ba 9% no ETO gazolina tuun ba 15% mais boot no gazoel hasa’e ba 21%. Kompara ho pertamina Realistik iha loron 14 fulan Marsu tinan 2022 tantu gazoel no gazolina sa’e ba dollar sanulu ($10) pur litru maibé agora gazoel sa’e 1,32% no gazolina sa’e ba 1,30%. Tane Konsumidor kompara ho folin iha merkadu internasional iha loron 7 Marsu 2022 folin mina sa’e liu, atinji ba dollar atus ida tolu nulu ($130) por Barrel maibé hahú horseik loron 6 fulan Abril tinan 2022 tuun ona kuaze 100, ital.

“Ho nune’e, Tane Konsumidor husu governu iha situasaun difisil nia laran labele husik merkadu mak regulariza maibé governu mak regulariza merkadu. Labele hasa’e folin mina tuir ita nia hakarak atu aproveita iha situasaun difisil nia laran, no iha de’it semana tolu nia laran mina folin sa’e maka’as, seidauk tan ita nia komunidade ka konsumidor sira hakerek konabá folin husi sasan seluk maibé ita fokus liu ba tendénsia husi folin mina nian (kombustível),” Prezidente António Ramos hato’o.

Prezidente Tane Konsumidór husu ba entidade kompetente sira liu-liu Autoridade Nasional Petrolíferu (ANP) Down Stream, ho Governu atu tuur hamutuk ho operadór ekonómiku sira, hodi fó atensaun ba ida ne’e. Sujestaun subsídiu seletivu ba transporte publikú hanesan, mikrolet, taxi no bus para sira ajuda mobilidade ba estudante no pasajeiru sira.

Print Friendly, PDF & Email

LEAVE A REPLY

Please enter your comment!
Please enter your name here