Home Notisia PN Aprova Resolusaun, ADTL Husu Ministeriu Sira Implementa

PN Aprova Resolusaun, ADTL Husu Ministeriu Sira Implementa

76
0
Diretor ADTL Cesario da Silva (Foto; ADTL)

Halo tuir Konstituisaun RDTL, komplementa ajenda Objetivu Dezenvolvimentu Sustentavel atu la husik ema ida ba kotuk, no halo tuir Deklarasaun Final Seminariu ne’ebe ADTL organiza iha 13 Junu 2019, Parlamentu Nasional Aprova Resolusaun ida rekomenda ba governo hodi dignifika, promove, no proteze ema ho defisiente iha sosiedade nia let, loron rua liuba (01/09). Ba Aprovasaun ne’e Diretur Asosiasaun Defisiente Timor-Leste, Cesario da Silva, husu atu ministeriu relevante sira atu implementa resolusaun ne’e.

“ADTL husu atu introdus ne’e hodi implementa iha linna ministeriu sira. Ami lakohi dokumentu ne’e hanesan amonstra deit. Husu nafatin ba PN atu monitoriza no fiskaliza implementasaun husi linna ministeriu sira, “Cesario hatete ba neonmetin.info bainhira halo intervista liu hosi messenger.

Diretor ADTL ne’e mos dehan katak sei hetan publikasaun ofisial iha Jornal da Republika. Wainhira hetan tiha dokumentu ne’e sei organiza malu hodi haree hamutuk no lori rezultadu ne’e ba seminariu loron ida no entrega ba ministeriu relevante mak sita iha rezolusaun nia laran.

Resolusaun ne’ebe aprova ona iha Parlementu Nasional hetan komentariu positive hosi bankada partidu hotu-hotu. Resolusaun ne’e rasik koalia kona ba; Estimula prosedur legal sira hodi ratifika Konvensaun Internasional hodi Proteze Dereitu Ema ho Defisiente; Dezenvolve politika intersetoral mak integradu ho jeneru no promove partisipasaun ema ho defisiensia sira iha vida publik nian; Adopta pasu sira, inklui asaun hodi aumenta konsiensia familia sira no sosiedade, hodi la exklui labarik no joven defisiente atu asesu ba eskola no formasaun vokasional sira; Adopta pasu sira mak presija hodi implementa estratejia ba saude mental nasional mak aprovadu hodi Ministeriu Saude; Kria kondisaun sira mak presija hodi fo asistensia ba saude mental; Fo formasaun adequada ba ofisiais justisa nian sira, defensores, prokuradores, juiz sira no advogadu sira, kona ba dereitu sira hosi ema defisiente nian, introdus tuir medida mak posivel, ho rekursu ba uza lingua jestual iha tribunal sira; Fo formasaun adekuada ba profesionais saude hodi hadiak liutan atendementu saude ema ho defisiente sira; Asegura formasaun adekuada ba professor sira no ajente sira seluk hosi ajente edukativu sira kona ba dereitu ema defisiente nian no modelu hanorin mak tuir duni nesesidade no kondisaun sira hodi labarik defisiente sira; Fornese ekipamentus no materiais adekuadu ba eskola sira tuir nesesidades labarik defisiente sira nian; Hola pasu importante sira hodi promove asesu ema ho defisiente nian ba merkadu traballu; Pormove, tuir posibilidade, utilizasaun lingua jestual iha televizaun no iha transformisaun hosi kontiudu informativu sira; Promove, tuir medida mak posivel, sinais dalan nian ne’ebe bele fo seguru ba ema ho defisiente atu bele sirkula ho autonomia no seguru; no Kria kondisoens legal sira no fiziku hodi garante katak infraestruturas no fasilidade publik sira bele hetan asesu hosi ema ho defisiente.

Resolusaun ne’e konstroe hosi Deklarasaun Final Seminar loron 1, halao iha 13 Junnu 2019, mak organiza hosi ADTL, hamutuk ho nia aliadu sira, inklui UN Human Rights Unit, Oxfam, no UN Women. Seminariu ne’e lori hamutuk membru governu relevante sira no membru Parlamentu Nasional hodi partisipa, nune’e hosi organizasaun ema ho defisiente nian sira, no mos organizasaun sosiedade civil sira seluk.

 

 

LEAVE A REPLY

Please enter your comment!
Please enter your name here