Reportajen Francisco Colo
Sekretáriu Estadu Komunikasaun Sosial (SECOMS), Mericio dos Reis Akara marka audiénsia ho Embaixadór Australia iha Timor-Leste, William Costtelo hodi diskuti kona ba kooperasaun entre Timor-Leste ho Australia liuliu iha área komunikasaun.
“Ami troka ideias sobre programa balun ne’ebé ami hala’o kona-ba jornalista oinsa ita reforsa tan ita nia ko operasaun entre nasaun rua ha’u atualiza informa ba embaxada Australia katak koopersaun entre secoms ho Australia kleur ona serbisu diak los, ha’u informa ba Mr. piter iha ne’e koopersaun ita hare serbisu liuliu iha área komunikasaun, ha’u informa oinsa ita apoiu ita nia mídia estadu sira rádiu komunidade sira oinsa ita jere hoax/lia falsu ka promove literacy dijitál para ita nia sidadaun sira matenek hodi uza plataforma mídia ho diak “. Dehan Akara hafoin remata enkotru iha salaun Secoms.segunda11/04/2022.
Governante ne’e mós informa kona-ba lei rádiu difuzaun broadcasting no seluk tan, oinsa atu dezenvolve enkontru dahuluk hodi koñese malu ho Embaixadór foun ne’e atu atualiza informasaun entre secoms kona ba projetu fibra optik.
“Ha’u mós esplika uitoan kona ba lei balun ne’ebé mak ita dzenvolve hela hanesan lei radiu difuzaun, broadcasting low ho selu-seluk tan, ha’u kontinua hasoru malu haklean liu tan koopersaun balun troka informasaun nafatin no mos atualiza kona ba projetu fibra optika ne’ebé maka governu Timor ho governu Australia iha”, informa Akara
Akara hatutan tan ita boot sira akompaña Primeiru Ministru tau prioridade ba fibra optika, para ita nia sidadaun sira utiliza mídia ho internet mak lalais, fasil no baratu. Informa mos ba konaba kooperasaun RTTL nho ABC Australia konaba asuntu tékniku hodi hasae kualidade
Iha fatin hanesan Embaixadór Australia, William Costtelo hateten governu Australia halo koneksaun ho governu Timor-Leste hodi dezenvolve koneksaun internet no redús presu internet ba sidadaun hotu iha Timor-Leste.
“governu Australia ne’e atu atualiza mak koneksaun diak kona ba projetu ne’e ho diak, no agora Timor-Leste halo prosesu atu halo kompania atu dezenvolve koneksaun internet , no governu Australia ajuda governu atu halo regulamentu internet por ezemplu liu husi SECOMS no halo merkadu diak ho insentivu diak, atu redús presu ba internet ba ema hotu-hotu “, akresenta Embaixadór Australia William Costtelo.
