Reportajen David da Costa Gusmao
Prezidente Asosiasaun Futeból Timor-Leste (AFTL) no aktuál Ministru Asuntu Parlamentar no Komunikasaun Sosiál (MAPKOMS), Francisco Martins Jeronimo relata servisu Futeból nian ba Primeriu Ministru (PM) Taur Matan Ruak.
“Hasoru malu ho PM hato’o relatoriu oituan konaba nia, tanba nia aturisa hau bainhira hau ba iha vietname, atu hasoru malu ho Prezidente AFF no mós Prezidente husi nasaun ASEAN ninia, atu ba koalia oitaun konaba progresu liliu haree ba iha area futeból ASEAN nian iha futuru. konaba progresu sira ne’e, lao diak tebes,” Dehan Francisco Martins ba Jornalista sira, Bainhira Ramata hasoru malu ho PM Taur iha Farol, Segunda 30/05.
Durante nia iha Vietname ne’e sira hato’o informasaun ne’ebe maka presiza atu informa ba malu iha nivél ASEAN liliu jogador sira nia. No mós halo akordu ida atu nune’e jogadór Timor-Leste hetan oprtunidade hodi ba treinu iha Qatar.
“Ami mos fila halo akordu atu ne’e ita nia jogador sira bele mos iha oprtunidade ba treinu iha Qatar, sira ba kedas no oras ne’e sira iha Qatar. Ohin sira fila husi ona Qatar mai iha Canbodia para atu joga amijavel liliu FIFA nia orariu joga ho Cambodia,” Nia hateten.
Nia hatuir ida ne’e maka rezultadu ne’ebe ba iha AFF vetname atu hasoru sira iha ne’ebá hodi koalia preparasaun oinsa futuru Timor-Leste bele iha progresu diak iha area futibool liliu ba iha infraestrutura ne’ebe Timor seidauk iha diak, Ida ne’e maka ohin informa ba PM.
Nune’e mos iha sorumutu ida ne’e ne’e, Prezidente AFTL) no aktuál MAPKOMS hetan orientasaun husi Primeiru Ministru, Taur Matan Ruak atu kontinua halo nia servisu.
