Reportajen Francisco Colo
Partidu Asosiasaun Sosiál Demokrátika Timorense (ASDT ) hasoru malu ho Prezidente Republika, Dr. Jose Ramos Horta, hodi aprezenta povu aileba no ASDT nudar partidu istóriku ne’ebe fo apoiu ba Horta eleitu ba Prezidente Republika.
Ba jornalista sira Sekretáriu Jerál ASDT, Norbertu Pinto hateten ASDT reprezenta serbisu tomak ASDT nian, bazeia ba doutrina no lia menon saudosu Francisco Xavier do Amaral nudar fundador ASDT, ne’ebé hato’o hela mai atan sira sei kiik, povu kiik sira kaer metin ha’u nia partidu no keta husi ha’u nia partidu, no keta husi ha’u povu ne’ebé fo fiar mai ha’u, ha’u nudar fundador no proklamador ba RDTL.
“Baseia ba ida ne’e atan ami maske kiik, maibe ho politika ne’ebé hosi saudosu Francisco Xavier do Amaral hanesan fundador no proklamador RDTL, ami kumpri no ami sei kontinua nafatin to’o ohin loron”, dehan Noberto iha palacio prezidensiál, 27/06.
Nia dehan ASDT prontu fo apoiu ba maun boot, liuliu maun boot Xanana Gusmao, para bele la’o ba oin iha eleisaun parlamentar. Bainhira maun Xanana ba fali hariii governu mak ami haree fila fali saida mak ami bele halo.
“ Importante liu agora oinsa maun Ramos Horta hanesan Prezidente Republika, ami hakarak maun boot Xanana lidera governu. Kona ba militante foin dadauk apoiu kandidatu maun Horta hamutuk 9386”, tenik Norberto.
Entretantu mensajen hosi Prezidente Republika katak nu’udar jerasaun ASDT, nafatin mantein pozisaun no nafatin haree no asegura ba situasaun, liuliu ba partisu ASDT no ita sei prontu hamutuk nafatin lori nasaun ne’e ba oin hamutuk ho maun Xanana.
