Home Notisia UNICEF: Vizaun Prezidensiál Maka Laiha Labarik Ida Mate Bainhira Moris, Nutrisaun Di’ak,...

UNICEF: Vizaun Prezidensiál Maka Laiha Labarik Ida Mate Bainhira Moris, Nutrisaun Di’ak, Aprende no Seguru

398
0
Delegasaun Fundus Nasoins Unidas ba Labarik iha Timor-Leste Bilal Durrani. [Foto: David | 30.06.2022]

Reportajen David da Costa Gusmao

Delegasaun  Fundus Nasoins Unidas ba Labarik (UNICEF_sigla Inglés) iha Timor-Leste  Bilal Durrani,  hetan konvite husi Prezidente Republika, Dr. Jose Ramos Horta hodi  diskute estratéjia komprovada no bazeia ba evidénsia, atu implementa vizaun Prezidensiál ba Timor-Leste ne’ebe laiha labarik ida mate, bainhira moris mai, no labarik hotu saudavel, nutrisaun diak, aprende no seguru”-no mós bolu Sentru Dezenvolvimentu Sedu Labarik (ECD).

Reprezentante País UNICEF iha Timor-Leste,  Bilal Durrani, dehan, prezudente agradese ba servisu ba labarik sira iha Timor-Leste hahú husi restaurasaun independénsia iha area saude inan no labarik, nutrisaun, edukasaun, no politika sosial no protesaun.

“Presidente dehan UNICEF sei sai parseiru xave hodi apoia iha governu-nia implementasaun, prioridade prezidensiál principal sira atu redús malnutrisaun infantil (espesialmente raes-badak) liu husi investe iha loron 1000 iha dahuluk, no oferese asesu ba pre-eskolar ba labarik hotu tinan 3 to’o 5,” Dehan Reprezentante UNICEF  iha Timor-Leste, Bilal hafoin hasoru Malu ho PR iha Palasiu Prezidensiál Bairo Pite, Kinta  30/06.

Nia haktuir, prezidente anunsia katak nia sei lansa diretiva sentru Dezenvolvimentu Sedu ne’ebe nia mak sei lidera rasik, no sei inklui reprezentativa husi Gabinete Primeiru Ministru, Ministra Saude, Ministru Edukasaun Juventude no Desportu, Ministra Solidariedade Sosiál  no Inkluzaun, no Ministeriu Administrasaun Estatal, no sira seluk.

Nune’e Prezidente Republika sei mós lansa Sentru Dezenvolvimentu Labarik Sedu (EDC) iha Palasiu Prezidente Nicolau Lobato.

 “sentru ne’e fornese edukasaun Pre-eskolar ba labarik sira idade entre tinan 3-5, Grupu suporta inan hodi fornese servisu sira  triajen ba malnutrisaun aguda, akonsellamentu IYCF, demonstrasaun tein no simulasaun ECD, Identifikasaun no intervensaun ba labarik sira ho defisiensia iha pre-eskolar, Hametin familia no saude mental bazeia ba komunidade no apoiu  psikososial (MHPSS) no mós Rejistu Moris hafoin inan-aman sira ba rejistu sira nia oan no simu sertidaun nasimentu (RDTL),” Bilal Esplika.

Ho ida ne’e UINCEF Sente orgoillu tebes ho kolaborasaun hamutuk ho Prezidente da Republika Jose Ramos Horta, oinsa maka atu garante direitu labarik sira nian iha Timor-Leste.

Print Friendly, PDF & Email

LEAVE A REPLY

Please enter your comment!
Please enter your name here