Reportajen estudante estajiadu UNTL, Joselina dos Santos
Reprezentante graduante Universidade Oriental Timor Lorosa’e (UNITAL), Fakuldade Sospol, Departamentu Siénsia Administrasaun, Adalgico dos Reis Amaral hato’o agradese ba eroi sira ne’ebe oferese-an mate hodi fila rai doben Timor-Leste, sai nasaun ne’ebe independente no livre hodi Timor oan sira bele asesu ba edukasaun, agradese ba veteranu sira ne’ebe ho hanoin diak, hodi loke UNITAL, ho kompostu husi Fakuldade no Departamentu oin-oin, atu bele fó biban ba povu kbiit la’ek nia oan sira, atu hetan espasu ba edukasaun diak iha nivél ensinu superior hodi hetan siénsia natoon hodi serve no dezenvolve rai doben Timor-Leste.
Graduante ne’e dehan, Universidade Oriental Timor-Lorosa’e (UNITAL) hanesan uma daruak ba sira durante tempu naruk nia laran, sira aprende siénsia hodi matenek no aprende hodi servi ba komunidade no halo pratika sientífiku, hodi bele atinje 3 pilares akademiku, hirak ne’e hotu sira halo atu asegura no defende naran UNITAL hanesan universidade ne’ebe mak sei prodúz rekursu umanu ho kualidade iha tempu agora no ba futuru.
“Ami mai husi background no kondisaun ne’ebe diferente iha forsa hakarak mehi, nune’e tempu mos la’o dadaun ami konsege ultrapasa minutu ba horas, no horas ba loron, loron ba fulan, fulan ba tinan ne’ebe ami konsege adapta no haree realidade ne’e ho matan wen oihn konsege remata duni ami kna’ar hanesan estudante UNITAL”, nia hato’o agradesimentu iha salaun UNITAL, 15/07,
Nia dehan graduasaun ida ne’e mak aumenta ona responsabilidade moral, ho títulu ne’ebe fó no hamutuk ami nia naran ho responsabilidade hanesan estudante, katak bele hotu maibe responsabilidade ba siénsia no títulu sempre iha ami nia kabas, no prontu servi ba rai doben Timor.
