Reportajen Francisco Colo
Relasiona ho sidadaun sira ne’ebé durante ne’e hatama proposta ba Palásiu Prezidente Republika, hodi hetan subsídiu hosi Prezidente, maibé to’o ikus la konsege hetan resposta ba pedidu hirak ne’e tanba laiha orsamentu, no tuir informasaun husi palacio katak informasaun hodi hatam proposta ne’e la los katak laiha informasaun ofisial.
Hatan ba kesataun ne’e Asesór Asuntu Politiku Prezidente Repúblika, Tomas Cabral liuhusi konferénsia imprensa hateten, Presidência da República akompañ atividade Presidência nian durante fulan rua nia laran, haree no tetu , prezensa komunidade nian iha resintu Prezidensiál ne’ebé aumenta kada loron , ligadu ba joven, estudante sira, feto, mane no inan-aman balun , hodi halo aprosimasaun atu hatama proposta ba Prezidénsia, hodi bele hetan tulun ruma ba sira nia nesesidade, konsidera katak Prezidénsia da Repúblika nu’udar órgaun estado número um (1) nian.
“Komunika ba lideres, no autoridades comunitárias sira, liu-liu Presidente Autoridade Municipios sira , Administradores Postos sira , Xefe Suku , no Xefe aldeias sira hotu , katak Presidência laiha orçamentu disponivel atu atende ba pedidu hotu-hotu nebe’e mai husi komunidade sira, pedidu barak maka tama ona iha Presidência , no liu husi diskusaun no avaliação técnica , no liu husi orientação superior Sua Excelência Senhor Presidente da República , atu organiza pedidu sira ne’e, hodi re–enkamina ba instituições relevantes atu bele fo respostas perante situações excepcionais balun.” Dehan Asesór asuntu politika Prezidente Republika, Tomas Cabral iha palasiu Prezidensia Aitarak, Dili, 26/22.
Nia hatutan ho karater urjente no fundamentu umanitáriu, Presidência da República se konsidera hodi hatan ba situasaun refere ho kbit ne’ebé iha, Presidensia sei konduz levantamentu de dados no avaliasaun téknika , atu bele hare posibilidade atu apoiu ou koordena ho instituições kompetentes sociedade emprezariál ka NGO ruma karik bele fó asisténsia.
Presidência da República apresia kooperasaun no apoiu husi maluk sira hotu, liuliu lideransa komunitaria sira, atu bele tranzmite mensajen povo kona-ba asuntu refere ho loloos. ikus liu Presidência da República hakarak hato’o obrigado wain ba hotu-hotu nia atensaun, kolaborasaun no sentidu estadu, atu hamutuk garante nafatin paz, estabilidade no unidade nasionál .
“Ohin Prezidente Repúblika dehan ba ha’u katak, ema balun mak lori hela mai agora ita buka hela ida ne’e, motivu saida tanba depois Prezidente Repúblika sai tiha semana ida ba kotuk, iha ne’e reuniaun hela hodi buka tuir ema ida mak mobiliza populasaun sira mai.” akresenta Tomas Cabral
Iha fatin hanesan Adjunta Xefe Casa Sivil Prezidénsia Repúblika, Henriqueta da Silva argumenta laiha orientasaun polítika ba komunidade sira, no estudante sira hodi husu apoiu iha Palásiu prezidensiál.
“Iha ne’e laiha orientasaun polítika ba komunidade sira atu hato’o proposta no laiha mós sirkular ruma ne’ebé hasai ofisialmente husi Palasiu Prezidensiál ba komunidade sira kana-ba estudante sira atu mai husu apoiu bolsu estudu.” Dehan xefe casa sivil.
Xefe Casa Sivil esplika agora daudauk iha proposta hamutuk 6000 mak hatama ona mai iha Palasiu Prezidensiál, maibé parte Prezidensiál Repúblika sei haree, atu identifika ida ne’ebé kanaliza ba Ministériu Solidariedade Sosiál no Inkluzaun (MSSI), Ministériu Edukasaun Juventude no Desportu (MEJD), Ministériu Ensinu Superior Siénsia no Kultura (MESSK) no se proposta ne’e liga karik ba infraestrutura sei kanaliza ba iha Ministériu Obras Públika (MOP) no mós ba Ministériu sira seluk karik sei kanaliza ba iha Ministériu tutela.
Iha ne’e Prezidénsia laiha orsamentu sufisiente atu atende proposta ne’ebé mai husi komunidade sira, situasaun ida ne’e prejudika integridade komún povu nian, tanba povu mak na’in ba estuda, tanba ne’e bainhira iha identifikasaun mak hetan katak iha oknum ka funsionáriu estadu ruma, ne’ebé halo aktu ida ne’e, lei Funsaun Públika hodi kondena nia aktu sira ne’e no husu nia responsabilidade.
Entretantu Neon Metin observa iha Palásiu Prezidensia komunidade sira nadodon ba Palásiu hodi hatama sira nia dokumentu, maibé iha parte palace nian la atende sira, no soe naklekar iha lutu hun.
Neon Metin konfirma ho komunidade ida kona hetan informasaun hodi hatama proposta, mibe komunidade refere lakohi fo sai nia, katak sira mai hatama dokumentu tanba rona informasaun iha média, no mós iha lia anin ka rona tutan hosi ema seluk, nune’e sira mai, no ikus mai la hetan atendementu.
