Home Justisa Kazu Osan Iha Aeroportu, RENETIL Husu PM Taur Foti Medidas Ba Membru...

Kazu Osan Iha Aeroportu, RENETIL Husu PM Taur Foti Medidas Ba Membru Governu Mak Interfere

405
0
Vice SekJer RENETIL, Lires, Pres. CCR, Saky ho Portavos, Samalarua (Foto: Adroaldo)

Resistência Nacional dos Estandes de Timor-Leste (RENETIL) halo Konferensia Imprensa ohin (13/10) hodi halo deklararasuan relasiona ho kazu tentativa transfer osan hosi Timor-Leste ba rai liur mak involve líderes partido KHUNTO nian no nia afiliadus balun. Iha Deklaransaun ne’e mos husu atu Primeiro Ministro Taur Matan Ruak avalia no foti medidas adekuadas ba membru Governu sira nebe halo interferência ba prosesu averiguasaun no investigasaun ba suspeitos sira nebe hatudu envolvimentu iha tentativa halo transferensia osan sai husi aeroportu nebe kontra lei.

Publiku akopanha ho diak katk iha notisia sira, iha loron 4 outubru 2022, oficial segurança no alfandega iha Aeroportu Internasional Nikolau Lobato detekta katak sidadaun timor-oan nain tolu tenta lori osan ho montante hamutuk dólar amerikanu rihun 160, no Rupiah Indonesia Millaun 40, ho intensaun atu lori ba Indonesia. Wainhira ajente segurança no alfandega husu ba sira, sidadaun nain tolu ne’e hatete katak osan ne’e Senhor José Bukar, Konselleru Maximu Partidu KHUNTO ninian.

Husi deteksaun ne’e, autoridade segurança no alfandega iha Aeroporto Internasional Nicolau Lobato informa kedas ajensia segurança sira seluk ne’ebe iha kompetensia ba kontrolu no prevensaun brankeamentu capital atu hola medidas. Nune’e, ajente sira husi instituisaun estadu ne’ebe iha kompetensia ba área ida ne’e too kedas iha Aeroportu NL, ho hanoin atu halo medidas preventivas hodi prende tiha osan ne’e. Maibe, ikus mai kazu ne’e dezenvolve to’o membru Governu nain-rua no mos Senhor José Bukar mos too iha Aeroporto, ho intensaun atu foti osan ne’e. Hahu kedas loron ida ne’e too agora kazu ida ne’e sei kontinua okupa noticias iha media oi-oin iha Timor-Leste, no provoca komentarius husi autoridade balu no husi publiku.

Ho interferência ne’ebe líder partido KHUNTO nian halo, RENETIL sente preokupadu no halo deklarasaun imprensa ba publik hodi husu Primeiru Ministru Tau atu foti medidas.

“Husu ba Sua Excelencia Senhor Primeiro Ministro Taur Matan Ruak atu avalia no foti medidas adekuadas ba membru Governu sira nebe halo interferência ba prosesu averiguasaun no investigasaun ba suspeitos sira nebe hatudu envolvimentu iha tentativa halo transferensia osan sai husi aeroportu nebe kontra lei”, Porta-vos RENETIL, Jose Neves Samala-rua hatete iha nia deklarasaun imprensa, iha Farol ohin (13/10).

Deklarasaun imprensa RENETIL nian ne’e mos esplika katak osan nudar instrumentu ida nebe dinamiza ekonomia no vida sosial sidadaun iha país ida. Cidadaun ida-idak iha direitu atu hetan osan liu husi dalan legal hodi organiza nia moris, uza no halo transferensia ka halo tranzasaun. Maibe wainhira nia utilizasaun ka transferensias tama iha montante nebe boot Estadu estabelese normas no prosedimentu hodi asegura katak atividade ida hanesan ne’e la afeta vida ekonomika povu nian no la hasusar Estadu atu halo dezenvolvimentu sosial no ekonomiku nasaun nian  no labele hafoer Estadu nian imagein iha publiku ka iha komunidade internasional.

Print Friendly, PDF & Email

LEAVE A REPLY

Please enter your comment!
Please enter your name here