Home Notisia Abrao: Foinsa’e Sira Tenke Valoriza Espiritu Juventude Resistênsia nian

Abrao: Foinsa’e Sira Tenke Valoriza Espiritu Juventude Resistênsia nian

1521
0
Sekretariu Estadu Juventude no Desportu, Abrao Saldanha Nokosiku. [Foto: Joanina | 10.11.2022]

Reportajen Joanina Casamiro

Sekretáriu Estadu Juventude no Desportu (SEJD) Abrao  Saldanha hateten, kaer metin no valor espíritu juventude resistênsia nian no mós ko’alia kona-ba dezafiu ne’ebé  foinsa’e ida agora  hasoru, maka    foinsa’e sira tenke valoriza uluk no kaer metin esperansa juventude resistênsia nian.

“Ita hatene katak ita hotu enfrenta dezafiu bo’ot iha ita rain liu liu ba foinsa’e sira, ho mudansa oin-oin ne’ebé  konstitui ho planu implementasaun estadu nian ne’ebé paradu. Tanba ne’e tenki ajusta ka akapta ninian a’an ba mudansa no realidade ne’ebé akontese, ho ida ne’e maka halo edukasaun no formasaun foinsa’e sira nian sai problema no preokupa,” dehan Sekretáriu Estadu joventude, Abrao  Saldanha, ba jornalista sira iha salaun Larigutu CNE Caicoli, Kuarta  9/11.

Ho dezafiu hirak ne’e maka hamosu dezenvolvimentu ekonomika ne’ebé  la konsege ho lalais para atu rezolve kampu traballu barak ba joven sira, dezafiu saida de’it maka Timor-Leste iha maka agora aumenta tan dezafiu klimatiku ho pandemia.

“Maibé hanesan foinsa’e ita mos iha oportunidade ho liberdade ne’ebé ita iha hodi bele promove, tuir mai maka ita iha numeru ho populasaun joven maka barak liu, ho esperansa ida katak ita bele ekipadu ho koñesementu abilidade ne’ebé sufisiente ita bele transforma di’ak liu ita nia rain ne’e ba adere iha Asean,” nia esplika.

Nia haktuir, iha  esperansa ida seluk maka Timor-Leste iha edukasaun teknolojia ne’ebé ohin loron, iha ne’ebé   de’it mós bele asesu informasaun no koñesimentu, ho ida ne’e bele ajuda di’ak liu tan para atu prepara ida-idak nia-aan atu enfrenta dezafiu sira ho estudu mais, ho konkluzaun ne’ebé  iha hanesan joven bele haree situasaun ne’ebé infrenta hodi dezena nia futuru ho esperansa atu bele ultrapasa dezafiu sira ne’ebé iha. 

Tanba ne’e nia husu ba foisa’e sira hotu bele banati tuir joven sira uluk, ne’e maka valores ba rezistensia maka sira iha domin ba patria, bele husik ninia estudu no previleziu hodi moris hamutuk ho povu no organiza atu luta ba kauza ida ne’e, mezmu iha diferensia oioin, maibé sira kaer metin prinsipiu ida de’it maka ukun rasik lori unidade ne’ebé  iha, tanba ne’e maka ohin loron tenki valoriza no kaer metin prinsípiu esparana joven resistênsia ninian ba futuru. 

“Valores sira ne’e bele ita uza ohin loron para ita bele haree kauza lolo’os ne’ebé  iha, ida maka lutra kontra ki’ak no hamlaha, mal nutrisaun kombate analfabetizmu hodi luta ba moris di’ak ne’e rasik para iha empregu, ida ne’e maka kauza ne’ebé ohin loron ita iha oinsa maka foinsa’e sira bele hamutuk para bele luta ba konkista luta foun ba libertasaun ba futuru ida di’ak liu tan ninian,”  tenik nia.

Maibé ohin loron ne’e problema ne’ebé maka foinsa’e sira hasoru maka empregu ka serbisu laiha, ho ida ne’e mosu violénsia hela, mas sei  kontinua ho violénsia sira ne’e maka empregu sei la mai, investimentu sei implementa de’it ba país hirak ne’ebé  iha siguransa no estabilidade.

“Tanba ne’e, maka ha’u hakarak husu ba ha’u nia maluk foinsa’e sira, atu ita bele tur hamutuk hodi kontribui ba paz no estabilidade no aproveita oportunidade ho liberdade ne’ebé ita hetan ona atu prepara ita nia koñesementu ne’ebé  iha,  atu ba kompete ba dezenvolvimentu nasionál iha ita nia rain doben ida ne’e,” nia hato’o mesajen ba foinsa’e sira.

Print Friendly, PDF & Email

LEAVE A REPLY

Please enter your comment!
Please enter your name here