Reportajen Joselina dos Santos
United Nations Development Programme (UNDP) Timor-Leste, Servisu hamutuk ho Sekretariu Estadu Meiu Ambiente (SEMA), realiza atividade Project Board ba dalimak nian, ho objetivu aprezenta rezultadu ba implementasaun projetu iha tinan 2022, no fundus ba planu atividade tinan 2023.
Sekretáriu Estadu Meiu Ambiente (SEMA), Demetrio do Amaral de Carvalho hateten, objetivu ba eventu ne’e regularmente project board, organiza ba area rurál hodi hasa’e rejilensia ba infraestrutura, no asset rurál sira, Projetu ne’e hetan finansiamentu hosi fundu klimátika verde, ne’ebe nia ajénsia akreditadu no implementa projetu ne’e maka UNDP koopera ho governu Timor-Leste, hanesan entidade ne’ebe apoiu iha prosesu implementasaun nian, no konfinensiamentu hosi governu Timor-Leste ba projetu iha relasaun dezenvolvimentu rurál nian.
“Projetu ne’e ho nia valor fundu klima verde ninian $22.4 miloens no kondinansimentu $36 miloens, tanba ne’e, ohin ita tama ona ba terseiru ano no kuartu ano, atu implementa tanba ne’e board meeting ne’e hodi koordena servisu, para hare fali tinan kotuk nian, no mós hare’e ita nia planu atividade no orsamentu ba implementa projetu fíziku rurál sira tinan 2023 nian, inklui mós projetu ba Agro-floresta nian,”Dehan Demetrio iha salaun Timor Plaza Meting Suai Room, Quinta 19/01.
Governante ne’e hatutan enkuantu ba projetu sira ne’e implementa iha munisípiu Liquisa, Ermera, Baucau, Lautem, Viqueque no Aileu tanba dezenvolvimentu projetu ne’e mai hosi projetu ne’ebe UNDP implementa iha tinan barak ona.
Iha fatin hanesan Ministériu Obras Públiku (MOP), Abel Pires da Silva afirma, sira halo intervensaun oin-oin hanesan rai monu, sasan sira ne’e atu bele proteje estrada, ponte no mós komunidade nia uma.
