Home Notisia Naimori Fiar Katak Númeru Kadeira Bankada KHUNTO Tinan Ne’e Iha Parlamentu Sei...

Naimori Fiar Katak Númeru Kadeira Bankada KHUNTO Tinan Ne’e Iha Parlamentu Sei Sa’e

7337
0
Partidu KHUNTO iha palacio prezidensial. [Foto: Media PR | 02.02.2023]

Reportajen David da Costa Gusmão

Partidu Kmanek Haburas Unidade Nasionál Timoroan (KHUNTO), iha esperansa katak, iha elisaun parlamentar tinan ne’e (2023),  KHUNTO sei hetan kadeira barak liu antes ne’ebe sira hetan  ona iha Parlamentu Nasionál ne’e.

Konselleiru Partidu  Kmanek Haburas Unidade Nasionál Timoroan (KHUNTO) José Naimori Bucar, hateten,   Kadeira lima sa’e ba kadeira hitu ka ualu, se povu fó fiar KHUNT, fiar katak kadeira ne’e bele sa’e as liu tan, no  KHUNTO iha esperansa tebe-tebes KHUNTO nia kadeira sei sa’e.

“Buat hotu ita fiar ba povu, povu mak sei deside, ha’u atu dehan ita manán ka la manán, se povu la vota ita mós la halo buat ida, ita bele ko’alia to’o iha  ne’ebé saida mak ita atu halo ida ne’e de’it. Kadeira lima sa’e ba kadeira hitu ka ualu, se povu fó fiar ita ha’u  fiar katak ida ne’e bele sa’e as liu tan ida ne’e katak KHUNTO iha esperansa tebe-tebes KHUNTO nia kadeira sei sa’e,  tanba saida? KHUNTO prontu atu serbí hamutuk ho povu oinsá atu bele fó motivasaun ka hanoin haforsa tan povu kbiit laek sira,” Dehan Konselleiru Partidu KHUNTO, José Naimori Bucar, hafoin ramata enkontru ho PR Ramos-Horta, Iha Palásiu Prezidensiál Bairo-Pite, Kinta 2/02.

Bainhira KHUNTO hetan kadeira nia prontu atu serbí hamutuk ho povu, atu nune’e povu moris iha situasaun livre, situasaun dame ho pas, kria estabilidade atu hotu-hotu hanoin sentidu estadu ne’e ho di’ak, ema hotu-hotu kontribui ba estadu ida tanba ema hotu-hotu hamutuk, tanba ida ne’e mak KHUNTO sempre halo ona, oinsá ema Timoroan tenke hamutuk.

“Ami nia tema maka “Haluha Passadu Haree ba Futuru”  haluha passadu la’os ita nia istória, haluha passadu ida ne’ebé ita nia egois, ita nia problema kiik sira ne’e mai ita hotu-hotu haluha tiha, ita haree ba oin katak futuru ne’e presija ita hotu-hotu hakmatek atu ita luta ba moris nasaun ida ne’e,” tenik nia.

Alende ne’e, KHUNTO nia preparasaun hasoru eleisaun parlamentár, KHUNTO prontu ona atu bele tuir eleisaun parlamentár ida ne’e , partidu lolitiku hotu-hotu rona de’it husi Xefe Estadu, bainhira Xefe Estadu dekreta ona data hanesan ne’e entaun KHUNTO prontu ona atu bele halo servisu.

Maibé iha elisaun Parlamentar tinan ida ne’e, Partidu Kmanek Haburas Unidade Nasionál Timoroan (KHUNTO) sei lao mesak hodi halo kampaña. plataforma ne’ebé partidu tolu halo ne’e atu asegura VIII Governu, maibé ba eleisaun agora ida-diak la’o ninian depois eleisaun hotu mak  bele ko’alia fali.

“Ita hotu-hotu halo polítika tanba ita hotu-hotu iha konteudu katak partidu ne’e atu manán ka la manán ita hotu-hotu tenke hato’o ita nia forsa ida ne’ebé atu fó fiar husi povu ne’e ita tenke hatudu momoos, povu mak sei deside, no julga katak nia hakarak ka gosta partidu ida ne’ebé, ne’ebé ita hotu-hotu, no ida-diak la’o ninian, depois to’o ba mak ita haree oinsá ita bele la’o hamutuk forma governu ka ne’e konforme partidu manán maiória ida ne’e,“nia esplika.

Print Friendly, PDF & Email

LEAVE A REPLY

Please enter your comment!
Please enter your name here