Home Notisia Konsellu Imprensa Sei Haruka Naran Prezidente Eleitu Ba PN Hodi Fó Pose

Konsellu Imprensa Sei Haruka Naran Prezidente Eleitu Ba PN Hodi Fó Pose

389
0
Konsellu Imprensa halo konferensia imprensa. [Foto: Joselina | 07.02.2023]

Reportajen Joselina Dos Santos

Konsellu Imprensa (KI), Timor-Leste hala’o eleisaun ba prezidente Konsellu Imprensa no deside Oteli Ote sai prezidente Konsellu Imprensa foun, nune’e sei haruka naran prezidente eleitu Oteli Ote no membru eleitu Amito Qonusere tuir artigu 23 ba Parlamentu Nasional atu fó tomada depose ba prezidente definitivu no membru definitivu Konsellu Imprensa nian hodi troka prezidente sesante konsellu imprensa Vírgilio da Silva Guterres “Lamukan” ba periodu 2023-2025

“Ita hatene katak iha semana kotuk liu ba Eis Prezidente Vírgilio da Silva Guterres “Lamukan” resigna-aan tanba iha mandatu seluk iha fatin seluk, nune’e Lei fó dalan ba konsesllu imprensa durante fulan tolu nia laran atu re-organiza membru foun no hili mos prezidente definitivu”, dehan, Diretór Ezekutivu Konsellu Imprensa Rigoberto Monteiro liuhosi Konferensia Imprensa, iha Quintal boot, Tersa 07/02.

Diretór Ezekutivu Konsellu Imprensa (KI), Rigoberto Monteiro hatete hein hela plenaria extra-ordinariu ho przensa membru na’in lima inklui membru eleitu ne’ebe eleja liuhosi konferénsia Asosisaun Jornalista Timor-Leste (AJTL), iha loron 27 fulan janeiru 2023 sira hili ona atu sai prezidente definitivu ba periodu 2023-2025 no restante mandatu husi periodu 2021-2025.

“Pesoa ne’ebe hili, sira halo selesaun livremente segredu sira na’in lima hili malu tuir estatutu Konsellu Imprensa artigu 23 eleje Konsilleru Oteli Ote hanesan Prezidente eleitu konsellu imprensa definitivu ba periodu 2023-2025, hanesan Sekretariadu Konsellu imprensa  diretór ezekutivu konsellu imprensa mak fasilita prosesu eleisaun ne’e tomak to’o remata”, nia akresenta.

Nia hatutan, tuir estatutu konsellu imprensa ho artigu 23, konsellu imprensa sei manda lista prezidente eleitu Oteli Ote no membru eleitu Amito Qonusere ba Parlamentu Nasional atu fó toma posse ba prezidente definitivu no membru definitivu Konsellu Imprensa nian.

Print Friendly, PDF & Email

LEAVE A REPLY

Please enter your comment!
Please enter your name here