Home Notisia Governu Halo Diskusaun Ho Parseiru Dezenvolvimentu Hodi Hare Lakunas, Hodi Bele Adere...

Governu Halo Diskusaun Ho Parseiru Dezenvolvimentu Hodi Hare Lakunas, Hodi Bele Adere Ba ASEAN

566
0
Ministra Negósiu Estranjeiru No Kooperativa (MNEK), Adalgisa Xavier Reis Magno. [Foto: Joanina | 11.07.2022]

Reportajen Silvino Freitas

Governu Timor-Leste hala’o diskusaun ho parseiru dezenvolvimentu internasional sira, hodi diskute asuntu sosiokultural, politika, seguransa no ekonomia no halo aprezentasaun ba lakuna sira ne’ebé presiza tulun husi sira, hodi bele adere ba Association South East Asia Nations (ASEAN).

Ministra Negósiu Estranjeiru no Kooperasaun (MNEK), Adalgisa Magno hateten, momentu nasaun membru ASEAN sira deklara hodi admite Timor-Leste sai membru ba 11, Timor-Leste mós hanoin ida atu mobiliza rekursu ne’ebé iha no mós husu parseiru dezenvolvimentu husi internasional ne’ebé iha kometimentu, hodi ajuda Timor Leste bele prepara an di’ak liu ba iha futuru.

“Ita nia ezijénsia sira iha rai laran ne’ebé ita presiza husi parseiru dezenvolvimentu sira, no sira mós hakarak hatene saida maka sira bele ajuda, hodi prepara ita nia rain di’ak liu tan” dehan Adalgisa iha salaun auditorium Ministra Finansa Aitarak laran, (10/04).

Nia dehan, liuhusi reuniaun ida ne’e bele diskute hodi fó informasaun ba malu ba presizu sira ne’ebé husi parseiru dezenvolvimentu internasional sira presiza ajuda, diskusaun ne’e iha pilares tolu asuntu sosiokultural, politika no seguransa nomós ASEAN economic community no halo mós aprezentasaun detallu kona-ba desire outcome saida mak presiza husi parseiru dezenvolvimentu sira.

“Ita no sira mós hakarak hatene ba area ne’ebé sira bele ajuda, atu bele iha koordenasaun ne’ebé di’ak” nia dehan.

Adalgisa dehan, husi reuniaun ida ne’e bele halo aprezentasaun ne’ebé detallu liu hodi sira bele identifika no mós halo komprimisu ho ita, husi ita nia prioridade no tuir sira nia kapasidade, tuir pillar sosiokultural, polítika seguransa no ekonomia komunidade ASEAN nian, maski seidauk iha desizaun fiksu ba adezaun refere tanba iha fulan maiu mak foin entrega road map ba rekezitu sira hodi kumpri, maibé tuir prinsípiu katak tempu prezidénsia Indonesia nian Timor bele adimitidu ona.

Print Friendly, PDF & Email

LEAVE A REPLY

Please enter your comment!
Please enter your name here