Reportajen Joselina dos Santos
Partidu Consellu Nasionál Resistensia Tomor (CNRT), husu ba lideransa Eletrisidade de Timor-Leste, Empreza Públika (EDTL,E.P), tenke iha responsabilidade morál hodi servisu dedikasaun ba esforsu tomak atu asegura konsumidór sira labele falta ahi tanba pulsa ho osan la’os gratis.
Liuhosi Konferésnia Imprensa, Porta Voz Partidu CNRT, Roberto Soares hateten, Partidu CNRT desmeite no rekuza informasaun ne’ebé tun katak partidu CNRT atu kontrata Hacker IT hodi blokeia sistema EDTL, E.P durante loron tolu hahú loron 18 to’o 21 iha fulan maiu. Akuzasaun ne’e Partidu CNRT hakarak kestiona kapasidade governu nian liu-liu lideransa EDTL, E.P kona-ba materia hacker sistema sosa pulsa nian.
Tanba CNRT husu mós ba apoiantes simpatizantes sira atu labele fiar lia falsu sira ne’ebe lansa husi ema iresponsabilidade ho objetivu atu hafoer CNRT nia imajen.
“Ami preokupa mós kapasidade ba governu ezekutór ba politika governu nian no preokupa liu kapasidade tekniku husi lideransa sira iha Empreza Publika hanesan EDTL, razaun husi inkapasidade ne’ebe partidu CNRT kestiona hatuur iha lojika sira, oinsá sistema ida ne’ebé lidera husi ekipa internu espesializada ema bele tama no sobu, signifika laiha kapasidade teknika atu jere kontrola husi sistema ne’e rasik”, dehan, Porta Voz CNRT, Roberto Soares, Liuhosi Konferésnia Imprensa iha Sede CNRT Bairo dos Grilhos, kinda 11/05.
Tanba, faktus hatudu durante ne’e la’os sistema deit mak falla grave maibé mós funsionamentu normál ba servisu EDTL nian, problema ne’ebé afeta ahi mate lakan hodi eatraga konsumidór ka populasaun nia sasan eletrónika sira.
“Lideransa EDTL, E.P tenke hatene katak kustu eletrisidade iha ita nia rai karun liu iha Rejiaun Azia,” nia esplika.
