Home Notisia Rezultadu Apuramentu Final, CNRT Sai Vensedór ho Votus 288,101 (41,62%)

Rezultadu Apuramentu Final, CNRT Sai Vensedór ho Votus 288,101 (41,62%)

384
0
Prezidente CNRT, Xanana Gusmao. [Foto: Copyright Ego Media CNRT | 23.04.2023]

Reportajen David da Costa

Rezultadu Apruramentu Nasionál iha Sekretáriadu Tekniku Administrasaun Elitorál (STAE) ba iha elisaun parlamentar tinan 2023 to’o 2027, hatudu katak partidu numeru sorteiu 12, Congresu Nasional Rekontrusaun Timorense (CNRT) ne’ebé  lidera husi José Alexandre kayrala Xanana Gusmão sai vensedór ho votus   288,101 no 41,62%.

Tuir dadus husi Sekretáriadu Tekniku Administrasaun Elitorál (STAE), totál akta hamutuk 1472, no akta husi Munisipiu sira, Iha Aleiu 93, Ainaro 90, Atauro 15, Bobonaro 150, Baucau 150, Covalima 100, Dili 147, Ermera 140, Lautem 100, Liquiça 85, Manufahi 115, Manatuto 83, Viqueque 112 no RAEOA 80. Entertantu akta husi rai liur hamutuk 9, no akta husi rai liur ne’e Australia iha akta 3, korea do sul akta 2, Ingraltera 3, Irlandia do Norte akta 1 no Portugal 3.

Husi Rezultadu Apuramentu Nasionál, iha Sekretáriadu Tekniku Administrasaun Elitorál (STAE) hatudu katak, Partidu sira ne’ebé maka liu bareira maka, partidu numeru sorteiu 12, Partidu Congresu Nasional Rekontrusaun Timorense (CNRT), sai vensedór no hetan votus  288,101 no 41,62%. Tuir tan maka Partidu numeru sorteiu 11, partidu Frente Revolusinariu Timor-Leste Indepeden (FRETILIN), hetan votus 178,248 no 25,75%. Partidu numeru sorteiu 4, Partidu Demokratiku (PD) hetan votus 64,493 no 9,32%.  Partidu numeru sorteiu 5, Kamane Haburs Unidade Nasionál Timoroan (KHUNTO) hetan votus 52,021 no 7,52%. Partidu numeru sorteiu 3, partidu Libertasaun Povu (PLP) hetan votus 40,696 no 5,88%.

Enkuantu, partidu sira ne’ebé laliu bareira iha Parlamentu Nasionál maka, Partidu numeru sorteiu 6, Partidu Os Verde Timor (PVT) hetan votus 25,100 no 3, 63%. Partidu numeru sorteiu 8, Partidu Unidade Dezenvolvimentu Demokratiku (PUDD) hetan votus 21,639 no 3,13%. Partidu numeru sorteiu 17, partidu asosiasaun Popular Monarika Timorense (APMT) hetan votus 6,678 no 0,96%. Partidu numeru sorteiu 2, partidu Libertasaun Povu Aileba (PLPA) hetan votus  3,272 no 0,47%. Partidu numeru sorteiu 13, partidu Centru asaun sosial demokrata Timorense (CASDT) hetan votus 3,169 no 0,46%. Partidu numeru sorteiu 15, Partidu sosialista Timor (PST) hetan votus 2,415 no 0,35%.

No Partidu numeru sorteiu 9, Partidu Republikanu (PR) hetan votus 1,558 no 0,23%. Partidu numeru sorteiu 16 Partidu Demokrata Kristaun (PDC) hetan votus 1, 262 no 0,18%. Partidu numeru sorteiu 7, partidu Uniaun Demokrata Timorense (UDT) Hetan votus  1,256 no 0,18%. Partidu numeru sorteiu 10, partidu Unidade Nasionál Demokratika Resistensia Timorense (UNDERTIM) hetan votus 1,022 no 0,15%. Partidu numeru sorteiu 14 partidu Movimentu Popular Libertasaun Maubere (MPLM) hetan votus 642 no 0,09% no ikus liu maka Partidu numeru sorteiu 1, Partidu Dezenvolvimentu Nasionál (PDN) hetan votus 597 no 0,09 %.

Total elitores ne’ebé maka rejistu husi baze dados STAE nia hamutuk 890,145, husi nunmeru elitores ne’ebé partesipa iha elisaun Parlamentar tinan 2023-2027 hamutuk 705,683, ho taxa partesipasaun iha (80,3%). Husi totál elitores ne’ebé maka partesipa iha elisaun ne’e, mane 362,415 (51,4%), no Feto 343,268 (48,6%).

Enkuantu votu Nulu iha 10,222 (1,45 %), Votu reklamadu 515 (0,07%), votu abandona iha 24 (0,01%), Votu branku iha 2,692 (0,38%), votu rezeitadu iha 58 (0,01%),  no ikus liu maka votus validu 692,169, (98, 08%),

Print Friendly, PDF & Email

LEAVE A REPLY

Please enter your comment!
Please enter your name here