Reportajen Santina Lucia da Costa
Kandidatu Prezidente Repúblika ho Númeru sorteiu 6, Dr. Francisco Guterres Lú Olo, garante katak Eleisaun Prezidensiál 2022-2027 sei hakat ba oin, no fiar katak sei manan iha primeira ronde.
“Hau garante katak, hau sei bele hakat ba oin, hau bele dehan katak apoiante hau nian kuaze barak, preparasaun la’o di’ak tebes iha terrenu, entaun fiar katak hau sei bele manan iha primeira ronde.” Hateten, Kandidatu Prezidente Republika, Dr. Francisco Guterres Lú OLo ba Jornalista sira iha Sede Luz Clarita, Formoza, Dili, 28/2.
Lú Olo, hatutan maibé hanoin katak, ita kuandu sai ba batalha ida ba kombate ita mós hein buat di’ak, maibé ita mós prepara.
Iha eleisaun prezidensial tinan 2017, Dr. Francisco Guterres Lu Olo manan iha ronde primeru ho votus 295,048 (57%), iha tempu ne’ebe kandidatu nain 8 mak konkorre iha eleisaun prezidensial 2017, no hetan apoiu husi Xanana Gusmao
