Reportajen David da Costa
Komisaun Funsaun Públika (KFP) iha esperansa ba governu foun, atu implementa politika no programa sira ne’ebé maka governu foun iha, liuhusi dezempeñu servisu Komisaun Funsaun Públika, tanba KFP ne’e nu’udar orgaun indepedente ida maske nia tutela hela iha Governu, maibé nia servisu ne’e tenke independente no kaer deit ba profisionalismu, inparsialidade no livre husi Politiku nain sira.
Prezidente Komisaun Funsaun Públika (KFP) Faustino Cardoso, hateten, KFP ne’e orgaun indepedente ida, teknikamente servisu tutela husi Primeiru Minstru nian, maske tutela ne’e mai husi politiku, membru Governu, maibé KFP nia servisu indepedentemente, hakaer deit ba prinsifiu profisionalismu, inparsialidade, no livre husi influensia husi politika, grupu partidaria, pesoais hotu-hotu, tanba KFP tane aas liu mak prinsifiu profisionalismu no prinsifiu responsabilidade teknika profisional ne’e iha.
Nia esperansa klaru governu sei deit maka mai, husi partidu saida deit, nu’udar ograun profisional tenke prontu atu servisu, serví no oinsá maka bele implementa politika no programa sira ne’ebé maka governu foun ninia mai, liuhusi dezempeñu servisu KFP ne’ebé mai husi funsionariu Publiku.
“Iha kontekstu funsionamentu estadu ida nian, iha orden ida ne’ebé dehan, orden politiku ou orden demokratiku ne’ebé kompostu husi membru governu sira, hahú kedas husi Primeiru Ministru, Vise PM, Ministru, vise Ministu ba to’o iha sekretariu estadu sira ne’e kategoria tama iha politiku, orden demokratiku ne’ebé sira nia mandatu ne’e durante tinan 5 nia laran,” dehan Prezidente KFP Faustino Cardoso, bainhira remata foto rekordasaun ho PM Taur Matan Ruak, iha palasiu Governu, Tersa 13/06.
Nia haktuir, enkuantu komponente ida importante save determinadór ida maka orden borokratiku ne’ebé kompostu husi Birokrasia, Funsionariu Publiku sira, hahú kedas husi orgaun ida mais altu, diresaun jerál iha liña Ministeriais ou Diretores Ezekutivu sira, orgaun Administrasaun indireta sira ba to’o iha Funsionariu Publiku sira inklui mós sira ne’ebé hala’o servisu sira simples hanesan haree seguransa ne’e hotu konstitui parte integrante husi orden borokratiku ne’e.
Tanba ne’e, bainhira governu foun mai hodi kaer fali Komisaun Funsaun Públika, tenke servisu ho profisional ho responsabilidade ou kualidade, la haree ba kor politiku saida deit, ida ne’e maka prinsipiu Komisaun Funsaun Públika nian.
“Tenke servisu profisional ho responsabilidade ou kualidade, la haree ba kor politiku saida deit, ne’e maka prinsifiu i komisaun kontinua haree situasaun ida ne’e, situasaun realidade ne’e, situsaun ketak ida, dala balun realidade ne’e hamosu prekupasaun buat sira hanesan ne’e, hanesan ne’ebá, maibé ne’e dinamiku ida ne’ebé alerta ita hotu nia akompaiñamentu, i alert aba malu, atu oinsá maka ita bele kaer metin ba misaun, servisu ho profisionalismum,” nia esplika.
