Reportajen David da Costa
Enkaregadu Negosiu Departament of Foreign Affairs and Trade (DFAT) Australia, ohin halo despedida ikus ba Primeiru Ministru (PM) Taur Matan Ruak, no hato’o agradese ba Primeiru Ministru ne’ebé maka halo koopersaun diak loos ho Governu Australia durante iha nia mandatu. Nune’e mó Governu Australia mós prontou nafatin atu apoiu ba iha governu foun mai ne’e.
“Ami mai ohin atu hasoru malu ho Primeiru Ministru, hanesan enkontru despedida, atu agradese tebes ba ami nia koopersaun ne’ebé diak loos, no Ami ko’alia kona-ba relasiona dezenvolvimentu ne’ebé maka ami hamutuk hodi atinje iha mandatu Primeiru Ministru nian,” Hateten Enkaregadu Negosiu Departament of Foreign Affairs and Trade (DFAT) Australia, Caitlin Wilson, bainhira remata hasoru malu ho PM Taur Matan Ruak, iha palásiu Governu, Kinta 15/06.
Nia hatutan, durante ne’e Australia apoiu Timor-Leste iha area barak, hanesan dezenvolvimentu umanu espesifikamente iha area Saude, nomós dezenvolvimentu iha area sosial, hanesan programa bolsa da mãe jersaun foun.
“Ami mós iha programa governasaun ekonomiku no atu aumenta rejilensia ekonomiku iha nivel Nasional, area rural no Munisipál, iha setór agrikultura, Defesa, nomós infraestrutura maior iha rai Timor hanesan projeitu aireo portu, ami hein katak bele kontinua aumenta ami programa mobilidade laboa trabllu iha rai liur nomós bolsu estudu,” nia esplika.
Nune’e mós sira iha esperansa katak, sira bele bele kontinua nafatin ho sira nia programa sira hanesan ne’e iha Timor-Leste, maibé sira mós prezisa rona governasaun foun nian politika no prioridade sira, atu nune’e sira bele responde no servisu hamutuk nafatin Governu Timor-Leste.
“Ami haree ba futuru ho Governu foun, depois promasaun ba governu foun, ami prontu atu ajuda no halo koopersaun nafatin ho governu foun. Ami hein atu hasoru governu foun no Primeiru Ministru atu rona sira nia prioridade sira, ami hakarak rona prioridade ida ne’e no responde ba sira nian prioridade atu servisu ho governu foun no governu Timor-Leste nian,” hakotu nia.
