Reportajen David da Costa
Prezidente Repúblika (PR) José Ramos-Horta fó votus Pezar númeru 5/2023, hato’o sentidu kondelensia profunda ba Espoza Primeiru Ministru Taur Matan Risk, Saudis Isabel da Costa Ferreira ne’ebé maka hakotu nia perigrinasaun iha nia rezidensia Meti-aut iha tuku 20:48, iha loron 18 Juñu 2023.
Adjunta Xefe Kaza Sivil, Prezidensia Repúblika, Henriqueta da Silva, ne’ebé Lee leitura ba votus profundu pezar ba saudoza Isabel Ferreira, iha númeru 5/2023 Prezidente Repúblika hato’o sentidu profunda boot ba matebian saudoza Dona Isabel da Costa Ferreira ne’ebé lakon vida iha loron 18 Juñu tinan ne’e.
Hanesan espoza Primeiru Ministru Taur Matan Ruak ne’ebé hanesan portavos ba direitus Humanus ba luta auto determinasau ba indepedensia, hanesan mós komisaun amizade ba vérdade, hanesan mós dotura ba paz no rekonsiliasaun, hanesan defensora ba iguálidade jeneru, hanesan mós direitu ba feto no labarik sira, hanesan ema ne’ebé nesésidade espesiál.
“Prezidente Repúblika hato’o sentidu kondólensia ba espoza Primeiru Ministru no jenerál Taur Matan Ruak ho oan mane no feto no mós ba familia matebian tomak,”Adjuntu Xefe Kaza Sivil Prezidensia Repúblika Henriqueta da Silva iha Simeiteru Públiku Bekusi, Kuarta (21/06).
Nia hatutan, Saudoza Dona Isabel da Costa Ferreira, rai hela lembaransa no nia hahalok inspirasaun sira hanesan humiliaddade honestidade no ema ne’ebé iha espiritu vontade hodi serví rai da ne’e. No mós Prezidente Repúblika José Manuel Ramos Horta kona-ba premiadu Nobél paz ne’ebé asina husi Palásiu Prezidensia Nicolau Lobato, iha loron 20 fulan Juñu tinan 2023,”
Nune’e mós, reprezentate familia husi Same ho Baguia Francisco Maria de Vasconselo lori alin, maun Taur Matan Ruak, ho nia oan na’in tolu hakarak hato’o agradesimentu ba familia sira hotu ne’ebé apoiu ona matebian ho nia familia durante ne’e.
“Ha’u hodi ami nia alin, maun Taur Matan Ruak, ho nia oan na’in tolu hakarak hato’o agradesimentu ba ita bo’ot sira hotu. Ita boot sira nia apoiu iha fulan hira nia laran, durante saudoza nia moras to’o nia mate,” nia hato’o agradese.
Nia haktuir, família laiha buat ida, maibé reza ba Nai Maromak atu bele rekompensa ba buat ne’ebé imi kontribui ba família Taur Matan Ruak nian. Nune’e, mos ba doutor sira iha HNGV ne’ebé la sente kolen, loron no kalan kualkér momentu ne’ebé sira sempre prontu halo atendimentu ba bin, feton, oan, alin to’o nia iis kotu. Ba forsa defeza Timor Leste, PNTL ne’ebé fó atensaun tebes-tebes durante loron hira nia laran.
“Família sira ha’u labele temi ida pur ida, ne’ebé fó kontribuisaun apoiu finanseiru, ita bo’ot sira nia orasaun ba ami familia bo’ot rua husi Same no Baguia, ami harohan ba Nai Maromak atu tulun ita boot sira nia servisu no ita boot sira nia família, karik durante saudoza nia moris iha relasaun sala ho ita bo’ot sira karik, hirus malu karik, iha buat ruma la monu ita bo’ot sira nia laran, ha’u enome familia hakruuk ba ita bo’ot sira,” Nia dehan.
Tuir objervasaun jornalista iha tereinu, partisipa iha prosesu haloot Saudoza nia isin mate iha Simeiteru Públiku Bekusi ne’e hetan partisipa másima husi líder nasionál, eis titulares, diplomata sira iha Timor Leste, veteranu, membru governu, sosiédade sivil, líder partidu polítiku, autoridade lokál, membru Polísia Nasionál Timor Leste (PNTL) Forsa Defeza Timor Leste (F-FDTL), relijiozu no relijioza iha Timor Leste, komunidade, estudante iha Timor Leste, seguransa militár Austrália, no mós PTR.
Alende ida ne’e, ambiente iha Simeiteru Públiku Bekusi husi tuku 02:00 sarani sira, líder nasionál sira hahú preparadu ona Simeiteru refere hodi hein saudoza nia mate isin.
Mate isin saudoza Dona Isabel da Costa Ferreira to’o iha Simeiteru Públiku Bekusi oras 05:20 akompaña husi nia kaben Primeiru Ministru Taur Matan Ruak, ho nia oan na’in tolu ho familia sira hotu.
Nune’e mós Prezidente Repúblika José Ramos Horta entrega Bandeira RDTL ba saudoza nia oan mane Quesadhip.
