Reportajen Joselina dos Santos
Komandu Polísia Nasional Timor-Leste (PNTL) Muníspiu Díli husu ba sidadaun sira bainhira halo movimentu iha estrada públiku, tenke kompleta dokumentus no mos asesores ba transporte sira, karik la kompleta Komandu PNTL sei foti asaun. Husu mos ba sidadaun sira labele para transporte iha trotoar leten, tanba trotoar ne’e atu ema bele la’o ba mai, hanesan mos sira ne’ebe fa’an sasan iha trotoar leten tenke tuir regras ne’ebe vigora ona iha Timor-Leste.
“Ita hatene katak komandu munisipiu Dili bazeia ba orientasaun husi Komandu Jeral, ita halo planu operasaun auto stop ba iha Dili laran, ita hatene katak imprensaun barak mak kontinua la’o iha Díli laran. Tanba ne’e komandu tenke halo asaun ida hodi realiza implementasaun planu operasaun auto stop ne’ebe komandu munisipiu halo iha tempu loron no tempu kalan”, dehan, Komandu PNTL Munisipiu Díli, Superintendente Xefe Polisia, Orlando Gomes, liuhosi Konferénsia Imprensa iha Kaikoli, 27/07.
Nia dehan, durante sira halo planu operasaun auto stop, PNTL prende ona motor hamutuk 218 no kareta 82, transporte sira ne’e husi kareta privadu no kareta governu no mos dokumentus sira ne’ebe la kumpri asesorias ne’ebe halai iha estrada publiku no prega multa ba sira ne’ebe kontra asesorias.
“Ita kontinua asegura sira-nia evidénsia iha komandu munisípiu to’o sira ba selu multa mak foin sira mai foti transporte sira ne’e. Ita la’o tuir lei ne’ebe iha kuandu liu ona prazu 90 dias, ita kontinua aprenzenta ba Ministériu Públiku atu bele foti desizaun. Autoridade seguransa tenke impoen regras sira ne’e atu nune’e la’o tuir orden ne’ebe iha.”
