Reportajen Agustinha Amaral
Vise Ministru Operasionalizasaun Ospitais, Flávio Brandão M. de Araújo informa, Grupu Konsorsium Sinet (GKS) Australia hakarak servisu ho komitmentu oinsa atu Kombate kanker iha Timor-Leste, tanba ne’e sira nia prioridade haree ba kanker ne’ebe afeita ba inan no joven feto sira.
“Liu-liu kanker serviks no oinsa prevensaun no oinsa tratamentu no atu kuidadu ativu, tanba ita mos sofre hela moras ida ne’e entaun hanesan governu ita bem-vindu oinsa ita bele kolabora no servisu di’ak hodi debate kanker iha Timor-Leste,” informa Vise Ministru iha Ministériu Saúde, terça, 08/08.
Espera katak atu kombate kanke presija elementus hotu servisu iha nivel hotu-hotu, fo mos atensaun ba prevensaun ne’ebe di’ak liu halo detektasaun ba moras ne’e sedu liu duke ita ba to’o faze sira ne’ebe komplikadu.
Nia dehan, ita nia investimentu tenki maka’as iha área saúde primáriu liu-liu halo detektasaun sedu, ida ne’e mak objetivu vizita husi grupu sifor baze iha sinet ida ne’e hatudu katak kolaborasaun no hatudu sira nia esprensia ne’ebe maka iha nasaun seluk hanesan mos Timor-Leste.
Iha fatin hanesan espesialista kanker no delegasaun husi Australia Karen Canfell hateten, misaun ida ne’e mai atu ho grupu konsorsiu hamutuk ho organizasaun 4 hodi haree no aprende situasaun saida mak akontese, sira bele ajuda no foku liu ba área eliminasaun ou kankru rahim.
“Tanba iha tratamentu kanker ne’e iha pilar 3 oinsa bele fo vasinasaun ba populasaun sira liu-liu joven sira ho alin feto sira ne’ebé husi tinan 9 too 14 depois ida ne’e sei check inan sira ne’ebé husi tinan 30 ba leten,” Tenik nia.
Wainhira edentifika hetan kazu refere sira buka meius oinsa atu bele responde entaun sira atu haree no aprende hamutuk ho nesesidade ne’ebe iha atu bele fo apoiu ita.
