Home Notisia PN Hili Isabel Maria Fernandes Substitui Expedito, Hodi Sai Membru Konsellu Imprensa

PN Hili Isabel Maria Fernandes Substitui Expedito, Hodi Sai Membru Konsellu Imprensa

791
0
Plenaria iha Parlamentu Nasional. [Foto: Silvino | 06.09.2023]

Reportajen Silvino Freitas

Parlamentu Nasionál (PN) liuhusi sesaun plenária tersa-feira 05/09 hala’o ona eleisaun ba membru Konsellu Imprensa (KI) foun, hodi substitui Expedito Dias Ximenes ne’ebé dadaun ne’e sai ona membru ba IX governu ho pozisaun nu’udar Sekretáriu Estadu Komunikasaun Sosial (SEKOMS), nune’e husi sesaun ne’e parlamentu nasionál liuhusi bankada CNRT aprezenta Isabel Maria Fernandes de Jesus nu’udar kandidatu foun hodi hala’o eleisaun.

“Membru ida mak Expedito Dias Ximenes maibé dadaun ne’e asume hela pasta nu’udar SEKOMS nune’e mak iha fulan agostu liu ba loke fila fali submisaun kandidatúra ba membru KI nian, iha meja simu karta ida de’it liga ho nomeasaun ba iha membru KI mak husi bankada CNRT maka sumbete seinora Isabel Maria Fernandez de Jesus” dehan Vise-PPN Maria Teresinha Viegas iha sesaun plenária PN, (05/09).

Hafoin votasaun meja plenária liuhusi vise-PPN Maria Teresinha Viegas anúnsia rezultadu votasaun maka afavor ba kandidatura 39, kontra 0 no abstensaun 6, nune’e kandidatu ne’ebé aprezenta husi bankada CNRT Isabel Maria Fernandez de Jesus pasa hodi sai membru KI foun troka Expedito Dias Ximenes, Expedito Dias Ximenes eleje husi PN hodi sai membru KI iha fulan janeiru tinan 2021 no dadaun ne’e hetan fiar husi Xanana Gusmão hodi asume pasta hanesan SEKOMS iha IX governu ba periodu 2023-2027.

Print Friendly, PDF & Email

LEAVE A REPLY

Please enter your comment!
Please enter your name here