Home Notisia KI Hato’o Solidariedade ba Jornalista no Povu Myanmar Ne’ebe Hetan Ameasa Husi...

KI Hato’o Solidariedade ba Jornalista no Povu Myanmar Ne’ebe Hetan Ameasa Husi Junta Militár

711
0
Konsellu Imprensa halo konferensia imprensa. [Foto: Silvino | 11.09.2023]

Reportajen Silvino Freitas

Konsellu Imprensa (KI) Timor Leste hato’o nia sentidu solidariedade ba situasaun polítika iha Myanmar, kona-ba liberdade imprensa no espresaun ne’ebé ameasa husi junta militár hodi fó presaun ba jornalista sira atu hala’o ninia atividade.

Tuir Konselleiru KI Benevides Correia katak, importante tebes ba KI atu hatudu nia sentidu solidariedade ba situasaun rua maka liberdade imprensa iha Myanmar ne’ebé hetan intimidasaun, ameasa no kastigu husi junta militár, ne’ebé hala’o ba média no jornalista sira iha Myanmar dadaun ne’e jornalista sira iha Myanmar la hala’o ona sira nia kobertura fahe informasaun ba maibé muda ona ba Australia tanba de’it presaun kapturasaun no intimidasaun ho intensivu, nune’e sira la hela ona iha Myanmar maibé ses ona ba iha Australia atu hala’o sira nia atividade jornalista liuliu foti kazu ne’ebé dadaun ne’e akontese iha Myanmar.

“KI hato’o nia sentidu solidariedade ba povu Myanmar ne’ebé sofre relasiona ho situasaun polítika atual, junta militar ninia presaun ba liberdade imprensa iha Myanmar, autoridade masimu sira iha Myanmar atu respeita no asegura nafatin liberdade imprensa no espresaun iha Myanmar, enkoraja nafatin jornalista sira iha Myanmar no ASEAN atu nafatin defensor ba direitu umanu” dehan Benevides liuhusi konferénsia imprensa iha salaun KI Dili, (11/09).

Entretantu Prezidente KI Otelio Ote hateten, deklarasaun kona-ba sentidu solidariedade kazu Myanmar la hala’o iha Dili Dialogue Forum, tanba ho intensaun atu halo diferente ho atividade Dili Dialogue Forum tinan hirak liu ba, nune’e hafoin hotu maka hala’o elaborasaun ba hodi hala’o deklarasaun ba dialogu refere.

Print Friendly, PDF & Email

LEAVE A REPLY

Please enter your comment!
Please enter your name here