Reportajen Silvino Freitas
Ajénsia Internasional ba Dezenvolvimento Nasoens Unidas UNICEF iha Timor Leste rekomenda asuntu 5 ne’ebé importante tebes ba estadu Timor Leste atu muda moris labarik sira nian, nu’udar parte responsabilidade ida hodi asegura labarik sira hodi hetan protesaun hasoru violénsia, abuzu, esplorasaun no neglijensia.
Tuir Country Representative UNICEF iha Timor Leste Bilal Auran Zeb Durrani katak, finalizasaun no implementasaun ba polítika interministerial dezenvolvimentu primeira infansia (PDI), maskí polítika ne’e elabora ba dahuluk iha tinan 20217 maibé nafatin hanesan esbosu ida, implementasaun lei protesaun labarik no juventude ih perigu tenke dezenvolve planu asaun anual ba implementasaun lei refere, ne’ebé difini no responsabilidade husi lina ministeriál atu implementa.
“Reforsa programa Edukasaun Hametin Família iha nasaun laran tomak hodi hakotu siklu interjerasionál hodi uza violénsia atu disiplina labarik sira” dehan Bilal iha semináriu nasionál ne’ebé organiza husi parlamentu-nasionál iha salaun Mahoka Dili, (28/09).
Reprezentante UNICEF ne’e informa, aprovasaun ba lei justisa juvenil iha rejime rua rejime tutelar ba menor no rejimi espesiál ba responsabilidade kriminal hahú husi tinan 16-21 ne’ebé hakerek ona iha tinan 2010 maskí ko’alia hela de’it maibé seida’uk remata, aprovasaun dekretu lei kona-ba Regulamentu Rejimi Aberto lei ne’e mak sei fó oportunidade iha fasilidade detensaun ba joven sira atu asesu ba edukasaun formal no la’ós formal iha prizaun nia liur hanesan parte ida husi prosesu reintegrasaun.
“Hamoris fali Lei Adopsaun tanba sei hala’o papél importante hodi regula adopsaun lokál hodi asegura labarik sira hetan tratamentu no protesaun di’ak husi kualker forma violénsia kuandu adopsaun akontese” informa Bilal.
Nia konklui katak, aprovasaun ba kodigu labarik maka kodigu prinsipál ne’ebé proteje labarik nia direitu hotu, ne’ebé hanesan ho kodigu sivíl, kodigu labarik ne’e hakerek ba dahuluk iha 2010 no nafatin hanesan esbosu ida, nune’e mós UNICEF kongratula governo Timor Leste ne’ebé tau nafatin iha sira nia programa ba direitu labarik nian nomós bele transforma husi alokasaun orsamentu estadu nian.
