Reportajen Silvino Freitas
Liuhusi semináriu nasionál ne’ebé organiza husi komisaun F iha parlamentu nasionál ho tema “garantir a proteção das crianças e jovens em Timor Leste” Vise-Primeiru Ministro no Ministro ba Koordenadór Asuntu Sosiál, Dezenvolvimento Rurál no Habitasaun Komunitaria Mariano Asanami Sabino hateten, nonu governo fo prioridade liu ba problema bee moos, tanba mal nutrisaun kronika kontribui makaas husi menus asesu ba bee moos.
Tuir Vise-Primeiru Ministro Mariano Asanami Sabino katak, iha loron 16 Timor Leste sei selebra loron ai-han mundiál nian nune’e governu dadaun iha preparasaun ne’ebé seriu tebes ba asuntu sosiál sira, nune’e mós husi parte govenru tau ona tema sentral ida katak bee mak ita nia moris no ai-han, tanba problema boot ne’ebé Timor Leste hasoru husi mal nutrisaun kronika ho 47% ne’e barak liu maka kontribuisaun husi bee menus hafoin hahan.
“Iha Dili barat de’it ita aloka 125 miloes atu estabelese bee iha MCC iha 400 mil ital ba bee no sanitatisaun atu bele halo perlakuan bee hodi bele utiliza” dehan Asanami iha semináriu nasionál ne’ebé organiza husi komisaun F iha salaun Mahoka-Dili, (28/09).
Nia dehan, iha mós osan imprestimu ne’ebé aloka ba iha munisípiu sira hanesan Manufahi Vikeke Lautem no mós ba munisípiu seluk, governu hala’o ona enkontru interministerial atu foku liu ba seitor bee nian, tanba problema asesu bee-moos ne’ebé iha ona 24 anos seida’uk bele rezolve, ema barak seida’uk hetan bee-moos kanu barak ema halo kuak.
“Foin lalais ita haree hamlaha ne’e mós sai preokupasaun liu iha Timor Leste, tanba ne’e ami halo ona enkontru lubuk ida no sei halo tan atu bele haree ba situasaun ida ne’e, tanba ne’e governu iha planu atu bele haree asuntu sira ne’ebé importante” konklui Asanami.
