Reprtajen CJTL, Juvinal Cabral
Mikrolete sira la halai ka halo greve (mogok_iha lian Indonesia) husi diresaun Tasi-Tolu, Manleu, Bidau mikrolete 03, 010, 011, 013, tanba mina folin sa’e no pasajeiru sira selu la tuir tarifa.
Citezen Journalists halo entrevista ho kondutór Adriano Souza Martins katak intensaun mikrolete la halai, tanba mina karun no pasajeiru barak la selu tuir tarifa.
“Ami husu ba governu hatun mina nia folin hanesan baibain, se bele tau mos regra ba pasajeiru sira nune’e selu tuir tarifa”, kondutor Adriano hateten ba jornalista CJTL iha Comoro, 04/10/2023″.
Dalabarak pasajeiru sira pasiar mos tun selu 15 centavus nain tolu dalaruma selu de’it 50 centavus, husu ba estudante sira bele karik selu 20 centavus funsionáriu selu 25 centavos tanba agora folin gazolina antes $1.10 sae fali $1.30, no gazoel sae ba $1.33
“Ami nia ezijénsia ne’e tanba dalaruma hatama osan la to’o estandard ba patraun, tenke ko’a fali ami nia osan”
Iha Fatin hanesan pasajeiru Saturnina Boavida Sarmento hateten, nia sente triste bainhira mikrolete hatun sira iha dalan de’it.
“Ami ohin dader 06:00 htl hein mikrolete iha Tasi-Tolu la halai hotu, ami hein too 09:00 htl mak sae mikrolete 011 tun iha Timor Plaza, kontinua sae fali 03 atu ba hospital Bidau, maibe iha dalan eskola 10 Dezembru nia oin, kondutor mikrolete sira hapara haruka ami tun hotu tanba mina karun mikrolete sira (mogok), dehan Saturnina ba jornalista CJTL iha Comoro”.
Relasiona ho transporte sira labele halai, tanba mina folin sa’e no pasajeiru sira selu la tuir tarifa, nune’e nia husu ba pasajeiru sira seluk tenke kompriende no selu lolos nune’e labele prejudika ba ita nia atividade, durante ne’e nia selu 25 centavus banhira sae mikrolete.
Mikrolete sira ne’ebé (mogok) la halai mak husi diresaun Tasi-Tolu, Manleu, Bidau mikrolete 03, 010, 011, 013.
