Reportajen Joanina Casamiro
Alumi Parlamentu Foinsa’e Timor-Leste (APFTL), husu ba Timoroan liu-liu juventude no soseidade tomak atu fó importansia ba alterasaun klimatika, tanba halo feto labrik no ema ho defisiensia sai vulneravel liu. Tanba ne’e hadomi nafatin ambiente labele so’e lixu arbiru, nune’e bele kria kondisaun ambiente saudavel, bainhira la kuidadu ambiente mak sei sofre nafatin problema impaktu negativu sira hosi mudansa klimatika ka natureza nian ba ema nia moris.
Iha marsa ambiental ne’e, feto foinsa’e APFTL, Trisia Sousa hateten, sentidu hosi aktividade hodi kria Marsa Ambiental ne’e objetivu hakarak fanu sosiedade sira oinsa sosiedade sira bele sai rezilente ba asuntu alterasaun klimatika.
“Dadaun ne’e ita haree katak Timor-Leste hanesan nasaun ida ne’ebé hasoru hela ka infrenta hela problema altersaun klimatika ka mudansa klimatika, tanba realidade hatudu katak uluk ita ladun sente rai manas agora ita sente manas bailoron komesa naruk, udan mai bo’ot liu tiha hanesan iha tinan hirak liu ba loron 4 fulan abril 2021 akontese ne’ebe estraga uma barak no mos edifisiu sira,” Dehan Trisia iha iha Jadin Largo Licidere, kinta 09/10.
Timor-Leste hasoru hela mudansa klimatika, sei Governu maka la haree, povu sira nafatin terus liuliu ba feto no labarik sira nomos ema ho difisensia sira sai vulneravel liu ba problema hirak ne’e, tanba impaktu alternasaun hosi mudansa klimatika. Tan ne’e mak sira hakarak kria marsa ida hodi fanun soseidade sira nia hanoin, soseidade konsiensia atu haree ka tau importansia ba alternasaun klimatika.
“Tuir ha’u nia observasaun joven balu kria ona grupu sira hanesan Joventude hadomin natureza, sira realiza aktividade halo limpeza maibe la maioria, tanba ema barak mak la iha konsiensia. Bainhira joven ka soseidade sira iha konsiemsia ita la’o iha estrada la hetan tan lixu. Maibe se ita hetan nafatin lixu entaun ita presiza halo adevokasia halo makaas tanba ema nafatin kontinua no la tau importansia ba Meio Ambiental niaan,” nia dehan.
Nune’e Rekomenda ba joven feto no mane ba labarik sira soseidade tomak ne’ebé mak iha timor laran tomak kuidadu nafatin natureza sira, se bainhira la kuidadu ambiente mak sei sofre nafatin probelema impaktu negativu sira hosi mudansa klimatika ka natureza nian ba povu no Sosedade Timor-Leste.
