Home Notisia PNTL Baku Joven Nain 2 Lori Bandeira Palestina, PDHJ: Konstituisaun Garante Povu...

PNTL Baku Joven Nain 2 Lori Bandeira Palestina, PDHJ: Konstituisaun Garante Povu Fo Solidariu, Nasaun Livre no Demokratiku

1683
0
Prezidente KI, Virgilio Guterres iha Delta Nova. [Foto: Santina Lucia da Costa | 15.09.2020]

Reportajen Juvinal Cabral dos Santos

Provedor de Direitos Humanos e Justiça (PDHJ), Virgílio da Silva Guterres ‘Lamukan’, hateten parte PDHJ kondena aktu membru Polísia Nasionál Timor-Leste (PNTL), ne’ebé baku joven nain rua, Paulo dos Santos Soares no Nelson Roldao Xavier, iha konsertu 12 de Novembru, tanba lori Bandeira Palestina Hanesan Sentimentu Solidariu ba povu rai seluk

“Apoiu Palestina nia luta iha espasu atu joven no estudante sira espresa, halo solidaridade ba povu Papua Ocidental ne’e laos krime, tanba ne’e mak provedor kondena aktu kaptura ba joven nain rua ne’ebé ho razaun tanba lori bandeira Palestina, ne’e ignoransia polisia ninian”, dehan Provedor de Direitos Humanos e Justiça (PDHJ), Virgílio da Silva Guterres ‘Lamukan’, ba Neon Metin iha edifisiu PDHJ, Kaikoli, kinta/16/11.

Nia esplika, PDHJ hetan informasaun husi sosial media kona-ba polisia kaptura joven nain rua lori bandeira Palestina tuir konsertu, nune’e nia kontaktu kedas Komisariu PNTL komfirma kona-ba informasaun ne’e los ga lae, ikus mai provedor rona katak nain rua liberta tiha ona.

“Ha’u nia komentariu jeral hanesan provedor ne’e katak iha Timor-Leste la iha lei ida mak bandu ema lori bandeira ba fatin públiku sira”  Nia esplika

Provedor hatutan, kaer joven nain rua ne’e ignoransia polisia nian, tanba lori bandeira ne’e laos krime, kaer bandeira Palestina, ka Papua nian iha Timor-Leste, ne’e nasaun ne’ebé livre demokratiku, konstituisaun mos garante povu ne’ebé solidariu ho luta povu rai seluk ninian

Nia salienta,  dalaruma polisia sira la iha konhesimentu estadu ida ne’e nia politika kona-ba konflitu iha liur nian hanesan Israel no Palestina estado ida ne’e nia politika estranjeiru mak “to state solution”  katak apoiu ezistensia Israel ninian no mos apoia luta povu Palestina nune’e hetan ukun rasik an

Lolos ne’e polisia sira tenke hatene pozisaun estadu Timor-Leste, atu nune’e labele kaer no intervensaun ba estudante sira espresa sentimentu solidariu bazeia ba atividade religioza, ema barak hanoin katak konflitu entre nasaun rua ne’e tanba relizaun maibe lae, ne’e problema politika direitu ba autodeterminasaun

“Husu ba Komandu PNTL orienta ninia elementu sira atu labele kaer ema arbiru liuliu joven sira halo solidaridade sira kaer bandeira ne’e la estraga buat ruma la halo krime ida, la desturbu buat ruma, Provedor husu.”

Print Friendly, PDF & Email

LEAVE A REPLY

Please enter your comment!
Please enter your name here