Home Notisia KHUNTO Sai Hosi Koligasaun Foun, Xanana: Ami La Hirus Maibe Tenke Halo...

KHUNTO Sai Hosi Koligasaun Foun, Xanana: Ami La Hirus Maibe Tenke Halo Konferensia Extraordinariu

466
0
Prezidente partidu CNRT, Kay Rala Xanana Gusmao ho Advogadu sira iha Konferensia imprensa. [Foto: Francisco JDA | 30.04.2020]

Reportazen Zevonia Vieira

Relasiona ho partidu Kmanek Haburas Unidade Nacional Timor Oan [KHUNTO] ne’ebe deklara sai hosi koligasaun foun, ne’ebe lidera hosi Prezidente partidu Kongresu Nasionál Rekonstrusaun Timorense [CNRT], Kay Rala Xanana Gusmao, liu hosi konferensia imprensa ba jornalista sira hateten iha loron 29 Abril simu karta hosi KHUNTO ne’ebe hateten katak transmite pozisaun partidu KHUNTO sai hosi koligasaun AMP foun.

“Partidu KHUNTO konsidera ba deklarasaun ba konfiansa tomak hosi Prezidente da Republika, saida mak ami hatama iha ne’e laos falsu, ami la hirus KHUNTO ida ne’e mak demokrasia. Partidu CNRT mak sei bolu Komisaun Politika Nasional [CPN] para atu koalia konaba ida ne’e. Ami respeita sira maibe ami hakarak fo hatene sira katak ida ne’e la to’o, se ita boot sira nia kongresu mak desidi tama, entaun tenke halo tan konferensia extraordinariu ida para dehan sai”, deklara Xanana

Xanana hateten KHUNTO tenke halo konferensia foun extraordinariu ida no dehan katak rezolusaun kongresu nian la vale ona, tanba partidu KHUNTO hola parte iha estrutura VIII Governu Konstituisional no sei fo apoiu tomak ba VIII governu to’o tina 2023.

“Ami dezeija susesu ba governu foun ne’ebe mak sira atu forma”, hateten Xana Gusmao iha sede CNRT, 30/04.

Prezidente partidu CNRT ne’e informa katak sei bolu CPN hodi koalia konaba remoldasaun ne’ebe atu halo iha governu no CNRT nia pozisaun oinsa, konaba membru sira ne’ebe CNRT indika no oinsa sira nia pozisaun.

“Hau labele koalia buat ne’e hotu tanba CPN mak fo hanoin, para ami fo hatene ba membru governu sira”, hateten Xanana Gusmao

Antes ne’e KHUNTO nudar aliadu ba koligasaun foun hamutuk ho CNRT, PD, UDT, PUDD no Frente Mudansa, iha karta ne’e KHUNTO hateten hare ba situasaun politika rai laran, laiha serteza ba solusiona impase politika ne’ebe akontese durante tinan tolu nia laran.

Print Friendly, PDF & Email

LEAVE A REPLY

Please enter your comment!
Please enter your name here