Reportajen Silvino Freitas
Estudante akadémiku husi Universidade da Paz (UNPAZ) konsidera polítika deputadu sesta lejislatura iha Parlamentu Nasional (PN) ne’ebé aprova ona orsamentu privativu tinan 2024 hodi sosa karreta prado unidade 65, nune’e parlamentu nasionál la’ós ona fatin atu deskuti problema povu no nasaun nian maibé sai fali fatin atu deskuti interese privadu no grupu nian no la nesesáriu atu sosa tan karreta prado tanba fiskalizasaun ne’ebé durante ne’e deputadu sira halo laiha rezultadu posetivu no deputadu sira uza parlamentu nasionál halo traisaun ba povu ne’ebé sei susar no terus nia laran maibé deputadu sira sai fali riku matak.
Portavos Eugenio dos Santos dehan, estudante akademiku sira iha UNPAZ lamenta no diskorda desizaun husi parlamentu nasional neebe preve no aprova orsamentu privativu tinan 2024 nian atu sosa tan karreta prado 65 ba deputadu sira maka dadaun nee ativu hela iha parlamentu nasional no prezidente parlamentu nasional Fernanda Lay neebe dadaun nee defende makaas halo deklarasaun iha media hodi apoiu politika sosa prado ba deputadu 65.
“hahu husi primeira lejislatura dadaun nee too ona sesto lejilatura no forma ona governu bad ala 9 sira halo lei oioin ba sira nia interese privadu partido no grupu, politika neebe sira halo iha nakukun laran no povu la hola parte iha desizaun sira nee, ikus mai parlamentu nasional neebe povu tomak nia esperansa nakfilak sai fatin neebe deputadu nain 65 diskuti no konfronta sira nia interese privadu grupu no partidu” dehan Portavos Eugenio dos Santos, liuhusi konferensia imprensa neebe halo iha kampus UNPAZ Dili, (02/09).
Nia dehan tan, dadaun nee deputadu sira iha parlamentu nasional kontinua halo lei konaba pensaun vitalisia subsidiu oioin no inklui direitu regalia sira seluk hanesan alojamentu kombustivel komunikasaun, nunee dadaun nee deputadu sira iha parlamentu nasional la ezerse ona nia funsaun ho diak hodi diskuti problema social nasaun nian nunee mos seitor estratejiku sira ba dezenvolvimentu maka edukasaun, agrikultura, turizmu, saude, infraestrutura bazika sira seluk neebe bele fo satisfasaun bein strar povu nian no future nasaun nian.“ami konsidera katak deputadu sira iha parlamentu nasional laiha responsabilidade moras hodi servi povu tuir prinsipiu konstituisaun hodi reprezenta interese povu maubere, laiha ona
