Organizasaun Nasoesn Unidas (ONU) kontinua rekoinese U Kyaw Moe Tun reprezentante Myanmar hodi sai nudar Ambasador Myanmar nian ba ONU. Asembleia Jeral ONU adopta rezolusaun ida iha segunda ne’e (20/12) hodi kontinua hatudu rekoisementu ONU nian.
Rezolusaun ONU adopta la liu hosi votasaun hafoin enkontru Komite Kredensial ONU nian, ne’ebe mak iha responsabilidade atu aprova reprezentante diplomatiku hosi estadu membru ONU nian, iha loron 6 fulan Dezembru.
Komite Kredensial hatete katak nia simu submisaun rua hosi kandidatus mak atu reprezenta Myamar iha Asembleia Jeral dala-78 ONU nian. Submisaun hatama iha 16 Agustu. Submisaun ida mai hosi Reprezentante Permanente Myanmar ONU nian iha Nova Iorke, no submisaun ida seluk mai hosi junta militar nia Ministeiru Negosiu Estranjeiru,
U Kyaw Moe Tun hetan pozisaun nudar reprezentante Myanmar nian iha ONU antes militar hadau governo hosi partidu Liga Nasional ba Demokrasia (NLD) 21 Fevereiru 2021. Fulan ida hafoin kudeta militar Myanmar nian, U Kyaw Moe Tun koalia iha forum ONU nian hodi hatete katak nia rejeita kudeta militar no fo apoio ba governo civil mak lidera hosi Governo Unidade Nasional ka National Unity Government (NUG) ne’ebe mak manan eleisaun no hetan konfiansa hosi sidadaun etnia oioin iha Myanmar.
Kyaw Moe Tun mak nudar autor save ida nebe kritika makas hasoru junta militar, no mos nudar advogado ida mak bele fiar hodi halo advokasia kontra movimentu pro-rejime militar nian. Junta koko atu hasai (pecat) nia hosi nia pozisaun hodi duun katak nia halo traisaun, maibe nia kontinua rejeita atu husik nia pozisaun no kontinua hetan rekoinesementu hosi ONU.
Kyaw Moe Tun sai alvu ba asasinatu iha 2021 no kontinua bolu ba ONU no komunidade internasional atu hakotu atrosidade junta militar nian iha Myanmar.
(Foti hosi notisia https://www.irrawaddy.com/news/burma/coup-opponent-continues-as-myanmars-ambassador-to-the-united-nations.html)
