Reportajen Filomena da Conceição
Xefe suku fatukalu, Postu Administrativu Turiscai, Munisípiu Manufahi, husu ba Governu da-sia ne’ebé maka lidera husi Primeiru-Ministru Kay Rala Xanana Gusmão, atu hari’i fatin Permanente ida ba Ófisial Polisia suku (OPS), ba iha kada suku iha postu Turiskai nian.
Tuir xefe suku Fatukalu, Pedro Oliveira hateten, servisu seguransa Ófisial Polisia suku (OPS), ba kada suku iha Postu Administrativu Turiscai laiha fatin permanente, tanba ne’e difisil ba servisu OPS atu kontrola lalais komunidade no Joven sira banhira halo problema.
“Iha Postu Turiskai kompostu husi suku 11, no iha ha’u nia suku hanesan suku ida ne’ebé dook tebes husi postu Turiskai, tanba ne’e husi suku fatukalu hato’o hela preokupasaun ba Governu, ne’ebé liga liu ba servisu OPS ka parte seguransa ninian katak ami hakarak hari’i fatin permanente ba OPS sira atu sira bele hela permanente iha kada suku sira hodi bele fasil ba sira atu asegura lalais joven no komunidade sira banhira halo problema ruma”, dehan Perdro ba Jornalista Neometin iha, pauzada Turiscai, domingu, Domingo 14/02
Nia haktuir, Bainhira laiha fatin permanente ba servisu polísia OPS afeita tebes ba komunidade no joven sira ne’ebé kria problema no difisil tebes ba parte seguransa atu kontrolu lalais bainhira iha problema.
Iha fatin hanesan xefe suku Caimau Manuel Mendonça, hateten, durante hala’o observasaun ba seguransa polisia Ófisial Polisia suku, ba kada suku iha Postu Administrativu Turiskai laiha fatin permanente nune’e, nia husu ba Governu Presiza hari’i fatin permanente ba servisu OPS atu bele hafasil sira hodi halo kontrolu ba problema hirak ne’ebé akontese iha suku.
“Tuir ha’u nia observasaun ba parte seguransa iha kada suku OPS nia kondisaun la dun diak signifikadu ita temi hela OPS ba suku sira maibé sira ba halo tratamentu ba komunidade uma laiha”, dehan Xefe Caimau.
Nia esplika bainhira problema boot iha ne’e maka Udan boot mai sira obrigadu tenke luku mota nune’e bele akontese dezastre ruma iha dalan tanba laiha Fatin Permanente ba sira laiha. Tanba ne’e husu ba parte relevante sira atu bele hari’i fatin Permanente ba servisu segurança Oficial progresso suku OPS nian iha kada suku iha Turiskai nian.
