Reportajen Francisco JDA
Grupu Juventude Rejiaun Administrativu Espesiál Oe-cusse Ambeno – RAEOA deklara katak sei fo apoiu tomak ba kandidatura Dra.Isabel da Costa Fereira ba Presidente Repúblika ba períodu 2022- 2027
Liu hosi konferénsia imprensa porta Voz, Paulo Collo hatete hateke ba pasadu númeru kandidatura ba Presidente Repúblika mane mak barak liu no okupa, tanba ne’e ohin afirma katak tempu to’o ona atu promove igualdade jéneru
“Pertinente tebes atu tau iha istória ba kandidatura Presidente Repúblika ne’ebé mai ho jéneru. Feto ida mai ho kapasidade, abilidade di’ak kompeténsia no integridade ne’ebé klean,” hatete Porta Voz GJ- RAEOA iha Benfica Dili, 23/08
Porta Voz ne’e dehan Dra. Isabel da Costa Fereira hanesan kandidatura Independente iha kapasidade atu asegura unidade nasionál, no Konstituisaun RDTL hodi lori hikas timoroan hotu ba propriedade
Nia dehan dalabarak kandidatura ba Presidente mai hosi partidu polítiku sira tanba ne’e desizaun hotu halis ba grupu nia interese, no tau as interese ema hotu nian, aktu hirak ne’e la fó valor ba demokrasia.
“Ami juventude garante 99.9% ba iha kandidatura Dra. Isabel, tanba ne’e ami hanesan juventude husu ba juventude ne’ebé iha timor laran tomak, atu apoia 5 mill proponente ba Dra. Isabel da Costa Fereira atu kandidata an ba Presidente,” hatete Porta Voz GJ- RAEOA, Paulo Colo
