Home Notisia Asanami: RENETIL Presiza Konsolida-an Ho Rezistensia Sira Seluk Luta Ba Libertasaun Povu

Asanami: RENETIL Presiza Konsolida-an Ho Rezistensia Sira Seluk Luta Ba Libertasaun Povu

534
0
RENETIL iha jardim Herois Metinaru visita Saudozu Lasama nia rate. [Foto: Santina Lucia da Costa | 09.06.2020]

Reportazen Raimundo Seguerau

Situasaun polítika ne’ebé oras ne’e la’o iha rai laran, liu hosi komemorasaun tinan 5 saudozu Fernando de Araujo “Lasama” fila hikas ba Aman Maromak, iha jardim Herois Metinaru, Prezidente Partidu Demokratiku (PD), Mariano Sabina Asanami no mos nudar militante Rezistensia Nasional dos Estudantes de Timor-Leste (RENETIL) hateten katak RENETIL presiza konsolida ninia-an hamutuk ho rejistensia sira seluk hanesan OJETIL, OBJELATIL, SAGRADA FAMILIA no sira seluk tanba ho objetivu ida atu kaer metin valor luta libertasaun povu.

“Halo metin liu tan para kaer nafatin libertasaun povu ne’e, labele RENETIL mesak, ita tenke hamutuk duni ho kompatriota liña frente hothotu”, dehan Asanami iha jardin herois Metinaro, Dili foin lalais ne’e.

Asanami dehan situasaun ohin loron presiza ita hotu nia hamutuk, hodi halo refleksaun ida katak estadu ida ita mehi ne’e, dalaruma la tuir ona ita nia hanoin.

“Ita tenke na’in ba estadu ida ne’e no kompromete ba Lasama katak, ita labele sai bainaka, ita pertense estadu ida ne’e. Tanba ohin loron orgaun rejistensia hotu komesa hanoin atu transforma-an ba partidu inklui arte marsiais”, hateten Asanami, 05/06.

LEAVE A REPLY

Please enter your comment!
Please enter your name here