Home Notisia Suku Comoro Hahu Fahe Subsidiu, Regras Ba Prevensaun Covid-19 La Lao, Laiha...

Suku Comoro Hahu Fahe Subsidiu, Regras Ba Prevensaun Covid-19 La Lao, Laiha Distansia Fiziku

2033
0
komunidade sira simu subsidiu iha suku Comoro laiha distansia fiziku. [Foto: 09.06.2020]

Reportazen Santina Lucia da Costa

Ohin loron 9 Junhu governu hahu fahe subsidiu $200 ba kada uma kain sira iha uma kain. Tuir observasaun direta hosi Neon Metin iha suku Comoro, komunidade sira hahu marka prezensa iha sede suku iha oras tuku 7:00 dader no komunidade sira forma ona, hodi simu sira nia direitu.

Iha oras hanesan iha suku Comoro mos prezensa hosi Vice Primeira Ministra no Ministra Solidariedade Sosial no Inkluzaun (MSSI), Armanda Berta hodi halo abertura ba subsidiu $200.

Iha fatin refere hetan seguransa hosi Polisia Nasional Timor-Leste (PNTL), hodi asegura atividade simu subsidiu lao hakmatek.

Tuir observasaun Neon Metin, Benefisiariu sira forma la tuir kriteria Ministeriu Saude nian, konaba oinsa prevene an hosi Covid-19, laiha distansia sosial no fiziku no balun la uza maskra.

Maske nune Ministeriu Saude prepara bee ho sabaun hodi fase liman, maibe komunidade sira la fase liman no la tuir distansia sosial, la uza maskra.

Ba inan isin rua, ferik no katuas sira, prepara linha ketak ba sira, hodi bele simu sira nia direitu.

Print Friendly, PDF & Email

LEAVE A REPLY

Please enter your comment!
Please enter your name here