Home Notisia CCLN Halo Reflesaun Ba Memoria 1974-1999, Lider Istoriku nain 3 La Partisipa

CCLN Halo Reflesaun Ba Memoria 1974-1999, Lider Istoriku nain 3 La Partisipa

321
0
Secretario Estado Veteranu, Gil da Costa “Oan Soru” . [Foto: Francisco JDA | 03.02.2020]

Reportazen Francisco JDA

Komemorasaun loron nasional Veteranus ba dala III, ne’ebe monu iha loron 3 Marsu, Conselho Consultivu Libertasaun Nasional [CCLN] halo reflesaun ho tema Relebrar o Pasado, Consolidar o Presente Projetar o futuru, kontinua  dignifika nafatin veteranu sira, hosi memoria 1974-1999, ne’ebe nakonu ho istoria moruk ba luta libertasaun nasional.

Secretario Estado Veteranu, Gil da Costa “Oan Soru” iha diskursu hatete instituisaun estadu no orgaun resistencia nian,  ne’ebe uluk sai hanesan parseria importante tebes iha luta libertasaun nasional no autor, koalia kona ba tema prinsipal relembra ita nia passadu, konsolida ita nia presente, projeta ita nia futuru, atu hanoin memoria 1974-1999.

“Ita fo konvite espesial ba ita nia nain ulun sira maun boot Horta, Mari, Xanana, ita hahu ona ho konselho veteranu foin harii, ita mos hakarak hahu loke ona historia, hahu hosi ASDT bele mai,  maibe sira nia prezente la iha, ita bele lee livro, mais ita kuando esplika iha livro dalaruma  bele sala, tanba nain sira iha maibe la marka prezensa”, dehan Secretario Estadu Veteranu Gil da Costa “Oan Soru” iha Salaun CCD, Merkadu Lama, 02/02.

Maske nune Gil da Costa hanesan veteranu hateten sempre agradese maske maun boot sira la mai, karik tanba preokupa ho situasaun politika ne’ebe akontese hela.

Gil Relasa halo Konselho Veteranu ida ne’e abut metin no funan buras ona, presija asume responsabilidade, hodi fo valor no onra ba prosesu sira ne’e hotu

“ Ita rasik la fo valor no onra sira ne’e, husu ema seluk atu fo valor ba ita, ha’u haoin ita sala, ita dalaruma duun dehan ita nia lideransa boot mak sala, maibe ita mos kontribui ba sala, liu-liu ita veteranu sira, ha’u hare kedeira mamuk, ha’u hare no sente katak veteranu sira ne’e la iha ona esperansa ba sira nia an rasik”,  tenik Gil Da Costa iha nia deskursu.

Print Friendly, PDF & Email

LEAVE A REPLY

Please enter your comment!
Please enter your name here