Home Notisia Diretór Ezekutivu KI: Estudante no Joven Sira Mos Sai Autor Ba Notísia...

Diretór Ezekutivu KI: Estudante no Joven Sira Mos Sai Autor Ba Notísia Falsu

378
0
Diretor Ezekutivu KI, Rigoberto Monteiro. [Foto: David | 09.10.2021]

Reportajen David da Costa Gusmao

Diretór Ezekutivu Konsellu Imprensa Timor-Leste (KI), Rigoberto Monteiro afirma estudante no juventude sira mos sai autór ba iha notisia falsa, signifika saida? sira konsumu notísia falsa ne’e hotu, depois sira share tutan, entaun notísia falsa sira ne’e kontinua mosu iha sosiedade nia leet.

Diretor Ezekutivu Konsellu Imprensa hateten liafuan hirak ne’e iha eventu Konsellu Imprensa ho UNESCO distribui livru Kontra Disinformasaun ba instituisaun media sira.

Nia dehan livru ida ne’e iha relasaun ho disinformasaun ka notísia falsa ohin loron plataforma dijitál  makaas demais, juventude liu-liu universitáriu sira no eskola sekundáriu sira sai vitima ba notisia falsa iha media sosial no website sira.

“KI iha hanoin foun ida katak dijitalisaun plataforma  ne’e mais importante, ami foka ba iha asuntu ida ne’e, tanba ne’e ami mós iha programa ida atu halo treinamentu konaba notísia falsa, bainhira notísia ruma mosu iha ita nia android (facebook) ita tenke halo cross check ba notísia ne’e, notísia ne’e tebes ga lae? Programa ida ne’e barak mak ami halo ba iha universitariu sira,” Dehan Diretór Ezekutivu KI, Rigoberto, bainhira halo nia diskursu iha Salaun KI, Kintal boot, Sesta 8/10.

Nune’e nia dehan estudante sira bele hatene hodi halo cross check ba iha notísia falsa sira ne’e. Livru ne’e mós sai matadalan ba notísia falsa, liuliu ba sentru formasaun sira, tanba livru ne’e mós sai módulu ba treinamentu sira, oinsa atu deteta dizinformasaun, sai módulu ida ba jornalista sira oinsá atu hakerek konaba notísia disinformasaun, no livru ne’e mos hakerek koalia konaba prinsipiu  kampaña kontra notisia falsa ka disinformasaun.

Print Friendly, PDF & Email

LEAVE A REPLY

Please enter your comment!
Please enter your name here