Home Notisia Claudia Estudante EBS Daisoli Distribui Livru Kontra Disinformasaun Ba Jornalista Sira

Claudia Estudante EBS Daisoli Distribui Livru Kontra Disinformasaun Ba Jornalista Sira

551
0
Claudia Ximenes husi EBS Daisoli asume kargu nudar Prezidente KI distribui livru ba jornalista sira.[Foto: David | 09.10.2021

Reportajen David da Costa Gusmao

Claudia Ximenes labarik feto ida husi eskola Ensinu Basiku sentrál (EBS) Daisoli,  Postu Administrativu Aileu Vila, Munisípiu Aileu asume pozisaun Prezidente Konsellu imprensa (KI) durante oras 1. Durante oras ida Claudia distribui livru konaba jornalizmu “Notísia Falsa” ka  Disinformasaun,  atu hasae koñesimentu media no jornalista sira.

Claudia Ximenes hateten husi atividade distribuisaun livru hirak ne’e, sai hanesan vantajen ne’ebe pozitivu no di’ak tebes, atu bele hasae koñesimentu iha média no jornalista sira, atu tau importánsia ba livru hirak ne’e no atu hamoris nafatin papél serbisu nian média  nian husi informasaun falsa.

“Fahe livru kona-ba Jornalizmu “Notísia Falsa” ka  Dizinformasaun ne’e atu hasae koñesimentu média no jornalista sira,” dehan Claudia iha nia Diskursu iha salaun KI, Kintal Boot, Sesta 8/10.

Iha fatin hanesan, Diretór Ezekutivu Konsellu Imprensa (KI), Rigoberto Monteiro afirma  hodi komemora loron Internasionál  tinan ida ne’e, tópiku konaba plataforma dijitalizasaun online,  KI hamutuk parseria UNESCO prodúz ona  livru ne’ebé iha relasaun ho tópiku selebrasaun mundiál ninian.

“Bainhira hanoin katak labarik feto asume pozisaun ka “Gill take over”  orsida foti pozisaun prezidente KI ninian”, dehan Diretór Ezekutivu Konsellu Imprensa (KI),

Nia haktuir livru ida ne’e iha relasaun ho dizinformasaun ka notisia falsa, ohin loron plataforma dijitál  makaas demais, juventude liuliu universitáriu sira no estudante sekundáriu sira sai vítima ba notísia falsa iha plataforma iha media sosial, website no seluktan, maibe estudante no juventude sira mos sai autór ba iha notísia falsa, signifika saida? sira konsumu tiha notisia falsa ne’e hotu, depois sira share tutan, entaun notísia falsa sira ne’e kontinua mosu iha sosiedade nia leet.

Print Friendly, PDF & Email

LEAVE A REPLY

Please enter your comment!
Please enter your name here