Home Notisia Loron Memoria 7 Dezembro, Mari Husu Jovem Sira Halo Politika Hametin Estadu

Loron Memoria 7 Dezembro, Mari Husu Jovem Sira Halo Politika Hametin Estadu

754
0
Sekretariu Jeral partidu FRETILIN, Dr. Mari Alkatiri. [Foto: Santina Lucia da Costa | 07.12.2020]

Reportazen Santina Lucia da Costa

“Luta ba libertasaun povu ne’e, hahu husi hadia ita nia edukasaun, hadia sistema saude, tenki muda konseitu dezenvolvimentu, tenki iha politika dezenvolvimentu ida, iha nia rezultadu ba povu nia vida lor-loron“, Mari Alkatiri.

Komemorasaun Loron Nasional Memoria 7 Dezembru 1975, liu hosi seminariu nasional ne’ebe organiza hosi Juventude FRETILIN ho tema Dezafius, Oportunidade no Konkista.

 Iha seminariu refere orador principal Sekretariu Jeral Partidu FRETILIN, Dr. Mari Alkatiri husu ba jerasaun agora labele kontinua halo politika atu manan poder de’it, maibe atu halo politika para hametin estadu lori nasaun ba oin.

“Hau nia apelu ba jerasaun ida ne’e, atu labele kontinua halo politika atu manan poder de’it, atu halo politika para atu hametin estadu, atu bele lori rai ne’e ba sai nasaun, se ita halo politika para atu manan de’it poder, bele duni ita sai fali anti-estadu, atu sobu fali estadu, se ita sobu estadu, nasaun sei la moris, se nasaun la moris ita mate, nasaun mate hamutuk ho ita, ne’e saida mak ita husik ba ita nia oan no beioan sira”, hateten Dr. Marí Alkatiri iha ambitu komemorasaun loron nasional memoria 7 Dezembru iha salaun Comite Central da FRETILIN (CCF), 7/12

Sekretariu Jeral Partidu FRETILIN dehan hau la mai atu hatun ema ida, maibe nia mai para atu defende memoria ho istoria atu harii nasaun. Halo prosesu ida ne’e laos atu kore povu husi dependensia, ita halo prosesu ida ne’e, atu halo povu kontinua nafatin dependente mai ita.

“Ita halo prosesu ida ne’e laos atu kore povu husi dependensia, ita halo prosesu ida ne’e atu halo povu kontinua nafatin dependente mai ita, ne’e laos dezenvolvimentu, povu ne’e so bele kore nia-an duni, laos ita mak atu kore povu, irmãos balun dehan liberta patria no liberta povu ne’e sala, povu liberta patria, povu mais libertar. Laos ita mak liberta patria no liberta povu. Ita naturalmente hanesan lideransa, povu rasik mak produz iha kada estajiu de prosesu, povu sei hahoris nia lideransa rasik, tanba ne’e povu mak liberta patria laos ita”, hateten Marí Alkatiri.

Nia dehan luta ba libertasaun povu ne’e, hahu husi hadia ita nia edukasaun, hadia sistema saude, tenki muda konseitu dezenvolvimentu, tenki iha politika dezenvolvimentu ida, iha nia rezultadu ba povu nia vida lor-loron.

Print Friendly, PDF & Email

LEAVE A REPLY

Please enter your comment!
Please enter your name here