Reportajen Filomena da Conceição
Provedoria dos Direitus Humanu e justiça (PDHJ), virgilio Guterres, apela ba Kandidatus sira ne’ebé tuir teste eskirita ba Vaga Online Austrália labele tauk atu hato’o keiza ba PDHJ bainhira mosu iregularidade ruma iha Prosesu rekrutamentu, maibé, tenke lori evidénsia tanba PDHJ iha kompetensia atu ivestiga entidade publiku sira ne’ebé halo prestasaun servisu publiku.
“Hanesan PDHJ hakarak fo hatene ba alin sira katak provedor ne’e, hanesan entidade ida ne’ebé mak tau matan ba Prosesu administrativu sira, karik mosu Iregularidade ruma, no iha prova evidensia kona-ba favoritismu ka familiarizmu karik imi iha dadus imi hato’o keixa ba provedor dos Direitus Humanu atu investiga”, dehan Provedoria, Virgilio Guterres iha ninia diskursu, ba enseramentu teste eskirita ba Kandidatus Traballadors ba Vaga online Austrália, iha eskola primaria Nu’u laran, Sexta 12/04.
Nia haktuir, Provedoria iha kompetensia para atu halo investigasaun ba entidade publika sira ne’ebé mak halo prestasaun Servisu publiku hanesan familiarizmu, favoritismu no nepotizmu, Iha prosesu rekrutamentu ba adiministrasaun nian, kuandu iha evidensia, labele tauk atu hato’o inklui buat importante sira hanesan abuzu ka asediu seksual hasoru trabalhdor ka kandidatu joven feto sira
Aliende ne’e, Provedor hameno mós ba kandidatus sira atu aprende nafatin lingua liu-liu lingua ingles tanba lian ingles hanesan lian internasionál ho nune’e, kandidatus sira iha dever tenke domina ema nia lian molok ba servisu iha ema nia rai.
“Hanesan provedor hau hakarak foka ba mk importansia tanba sá mak ita tenke aprende lian, ida ne’e hanesan ezijensia ida katak ita atu ba servisu iha Australia ita tenke hatene ema nia língua tanba ne’e, kandidatus sira nia dever mak Kapasidade iha lingua, tanba liuhusi lingua nia vantagem mak ita foin hetan ita nia direitu”, Nia esplika
Nia Espera mos ba Kandidatus sira katak, Kandidatus ne’ebé liu teste bele aproveita oportunidade atu aprende, aliende servisu di’ak hodi bele sustenta moris no sustenta familia buka mos aprende atu servisu diak iha ema nia rai, tanba Austrália hanesan nasaun avansadu.
Nune’e mos enkoraja ba Kandidatus sira ne’ebé karik la liu iha teste, atu lalika laran taridu no labele laran moras ba sira ne’ebé mak liu, tanba dalaruma esforsu mak la dun maximu, tanba ne’e, tenke koko hodi aprende nafatin lingua hodi fasil atu bele pasa lalais.
