Home Notisia Komemora Masakre Rezidénsia Manuel Carascalão, Domingos: Sira Laos Mate Normal Maibé Obrigatóriu

Komemora Masakre Rezidénsia Manuel Carascalão, Domingos: Sira Laos Mate Normal Maibé Obrigatóriu

1142
0
HAK ho vitima masakre iha rezidensia Manuel Carascalao komemora loron masakre. [Foto: Silvino | 16.04.2024]

Reportajen Silvino Freitas

Asosiasaun Vitíma, HAK, Asia Justice and Right (AJAR) no ACBIT realiza mini audénsia hodi komemora loron masakre rezidénsia Manuel Carascalão 17 Abril 1999, ho tema ‘hakle’an memória ba foin-sa’e hodi ultrapasa mentalidade violentu ba hametin paz’, masakre ne’e akontese husi kontinuasaun husi masakre ne’ebé akontese iha igreja São João de Brito Likisá nian, maibé iha ema bo’ot balun ne’ebé la gosta asosiasaun vitíma fó hanaran vitíma ba ema ne’ebé kanek no mate iha masakre hirak ne’e.

Koordenadór Asosiasaun Vitima Domingos Pinto dehan, masakre ne’ebé akontese iha rezidénsia saudozu Manuel Carascalão nian, nee akontese iha Dili maibé ema ne’ebé vítima maioria husi Maubara-Likisa, nune husi masakre nee mos ema balun pro no kontra fali ba akontesimentu refere, masakre ne’ebé akontese iha rezidénsia Manuel Carascalão ne’e kontinuasaun husi masakre ne’ebé akontese iha igreja São João de Brito Likisá nian.

“sira mate tanba ukun rasik an sira ita konsidera la’ós mate normál maibé ho obrigatóriu, vitima husi masakre ne’ebé akontese iha Timor laran tenke hasoru malu hodi koñese malu, konta mos istoria ba malu” dehan Domingos iha nia intervensaun mini-audénsia iha Asosiasaun HAK Farol, (16/04).

Nia dehan, hanesan responsabilidade másimu ba vitima masakre sira nia mos, hetan presaun husi ema boot balun ne’ebé la gosta liafuan hanaran vitima, nunee nia konsidera timor leste nia situasaun pos konflitu iha luta tinan 24 nia laran maka la konsidera naran vitima mak ita pro fali ba okupasaun Indonesia nian hodi hateten Indonesia mai iha timor leste halo buat diak deit.

“secara moral ita tenke haree buat nee, barak liu hakarak hanaran sobrevivente termus rua ne’ebé la hanesan vitima ne’e ema ida ne’ebé la hatene buat ida, sobrevivente ne’e uluk nia vitima maibé agora nia moris di’ak ona” dehan Domingos Pinto koordenador asosiasaun vitima.

Entretantu Prezidente Kommite 12 de Novembru no atuál Prezidente Autoridade Munisipiu Dili, Gregorio Saldanha dehan, masakre ne’ebé akontese iha rezidensia Manuel Crascalão nian ne’e hamate ema nain 12 inklui Manuel Crascalão nia oan rasik, hamutuk ho Likisá oan sira, nune’e masakre ne’ebé akontese iha timor laran ne’e barak tebes iha sidade no foho sira, ne’e hatudu indepedénsia ne’ebé dadaun ne’e timor leste alkansa ona ho folin karun tebes.

“masakre ne’e oho ema barak, oho ema ida rua tolu sira nee tau hamutuk  mak ohin ita hetan indepedensia, nune’e ohin ita komemora ne’e atu halo reflesaun hodi hanoin katak saida mak ita halo ona, to’o ne’ebé ona atu fo valór ba akontesimentu sira nee la’ós komemora de’it, ita tenke halo buat ruma hodi eleva ema hotu ne’ebé mate ba rai ida ne’e” dehan Gregorio Saldanha iha HAK Farol, (16/04).

Gregorio konklui katak, komemorasaun nee atu bele hanoin hetan, indepedensia ne’ebé dadaun ne’e ita hetan no goza tanba sira nia mate no luta, tanba nee presiza halo buat ruma ba rai ida nee hodi hatudu katak ita ne’ebé sei moris ne’e mós luta nain ida, orientasaun husi luta ne’ebé ita halo ne’e mak atu hatudu pratika ba ita nia luta ne’e to’o iha ne’ebé ona.

Print Friendly, PDF & Email

LEAVE A REPLY

Please enter your comment!
Please enter your name here