Home Feature Traballadór Timoroan Tinan Ida Iha Australia,  Fila Mai Timor Halo Uma Rua...

Traballadór Timoroan Tinan Ida Iha Australia,  Fila Mai Timor Halo Uma Rua Iha Ermera

3847
0
Jornalista sira husi Media Tour Entrevista hela Traballadór Timoroan ne’ebé maka servisu iha Australia, (Foto-Dokumen AJTL)

Reportajen David da Costa

Traballadór Timoroan ne’ebé maka servisu iha Australia durante tinan ida ho balun, fila mai Timor hola rai no halo uma rasik ida iha Palimau suku Fatuquero Postu Railaku Ermera, nune’e mós halo uma ida tan ba nian mãe ho pai rasik iha Atsabe Ermera.

Traballadór Sesonal Workers Australia, Abel Marsal Martins (30), konta, Durante ne’e fokus ba kursu lian Korea nian, maibé tuir teste atu ba servisu iha Korea laliu hela deit, entaun primo ida mai fó hateten, nusa la teste ba iha Australia deit. Ho ida ne’e iha tinan 2019 koko aplay ba servisu  Australia nian no naran konsegue sai, iha 2020 ba tuir teste  fiziku iha akademia PNTL Comoro, no ikus mai liu hodi ba servisu iha Austalia. No sai husi Timor ba iha Australia ne’e iha loron 26 outubru 2022.

Nia haktuir, hanesan Timoroan foin primeiru vez tama iha ema nia rain atui servisu ne’e seidauk toman ema nia fatin no seidauk domina ema nia servisu, entaun  fofoun  ba ema sei fó trenu ba traballadór sira hotu, atu nune’e bele koinese diak liu ema nia ambiente sira.

“Ha’u nia servisu iha Australia hanesan fabrika kompaña ho naran mil fil, kompaña ne’e primera vez ha’u servisu iha ne’eba chiler ne’e hanesan ema ne’ebe mak bagian iha kilfhor, sira oho no sira loke tia kulit hotu mai iha treimin ne’e, sira ne’ebe mak kua moos ona no sira lori fali mai hatama fali ba chiler, naan sira ne hasai hotu sira bonen no sira peking atu naan ne’e haruka fali ba iha fatin seluk’” dehan Traballdór Australia Abel ba Jornalista sira, iha Palimau, Suku Fatuquero, Postu Administrativu Railaku, Munisípiu Ermera, Sexta 19/04.

Nia hateten,  kontratu iha Australia ne’e tinan hat, maibé agora servisu iha Australia foin tinan ida fulan lima. Agora ne’e suti hela servisu, fulan ida ne’e remata mak foin fila fali ba Australia hodi kontinua servisu iha ne’ebá. Kona-ba simu saláriu iha Australia,  tuir level ne’ebe iha.

“Fofoun ha’u ba ne’e iha level 1, no iha level 1 ne’e, ha’u hetan saláriu $21.50 sen kada oras ida. Maibé, kompaña nain haree ha’u servisu diak, agora sira hasa’e ha’u nian level ba iha 5, ne’ebé kada oras ida ha’u hetan osan $30,00. Kompaña selu ita ne’e la’os kada fulan maibé kada semana ida sira selu ona ita, no kada semana ida mak servisu to’o sabadu sira selu $1.200 ou $1.300, no fulan ida ita bele hetan $4.000 ou $ 5.000,” Nia esplika.

Nia esplika liu tan, durante nia ba servisu iha Australia, osan primeru husu misa ba matebian no halo matebian sira nian rate. Depois ida ne’e, rai osan no haruka ferikoan ho familia sira buka rai to’o ikus hetan rai sosa hodi  atu halo uma no osan hodi sosa rai hamutuk $ 5.000. Rai ne’ebe sosa ho nia medida 20×25 ho folin $5.000, no uma agora halo ne’e ho nia medida 10×12, uma ho kuartu 6 inklui haris fatin ho dapur iha laran.

“Uluk seidauk ba servisu iha Australa, ha’u ho ferikoan no oan hela hamutuk ho Mãe ho Pai sira. Hela ho ferik ho katuas de’it uma mos kondisaun ladun di’ak, maibe agora sente mudansa ona tanba ba servisu hodi bele halo uma rasik ona no halo uma ba mãe ho Pai sira. No osan balun ha’u rai hodi selu fali alin sira nian eskola no ajuda sosa alin nia sasan presiza ba skola nian hanesan laptop, kadernu,lapizera,” Tenik nian

Nune’e mós,  Traballadór Timoroan ne’e iha behi ba oin, bainhira nia  halo tiha uma ne’e hotu, nia sei iha tan planu ida mak atu hola kareta ida hodi bele tulun familia sira nia atividade sira.

Entretantu, Manuela Martins Soares (26)  nu’udar ferikoan husi Abel Marsal Martins, sente kontente tanba hetan mane ne’ebe hatene responsabilidade ba nia familia uma laran no ba nia inan aman sira. Nia ba servisu iha ema nia rai kada fulan sempreharuka  osan mai iha familia sira.

“Fulan-fulan nia sempre haruka osan $1,000 mai ha’u ho oan. Osan ne’ebé mak nia haruka maihodi ida ne’e ba hola han hemu no oan nia hahan,” nia hateten.

Nia konta, antes nia laen seidauk ba servisu iha Australia, hela hamutuk ho katuas oan nian Mãe ho Pai sira, depois katuas oan ba servisu iha Australia, ba fali hela hamutuk  Mãe ho Pai.

“Ha’u nia katuas oan seidauk ba servisu ami hela hamutuk ho ha’u nia laen inan aman sira, depois de katuas oan ba servisu iha ema nian rai ha’u hela ho mae sira, hafoin nia ba servisu iha ema nia rai ha’u sente kontenti tanba bele sustenta familia bele halo uma hola hahan,” nia esplika.

Tuir dados husi Diresaun Nasional Empregu Estranjeiru SEFOPE nian, hahú husi tinan 2012-2023, entre 13295 ne’ebé ba servisu iha Australia. Husi totál ne’e traballador husi Munisípiu Ermera hamutuk 1,311 maka ba servisu ona iha Australia.

Programa Media Tour  ne’e hala’o husi AJTL kolabora ho Oxfam iha Timor-Leste, no hetan apoiu finanseiru husi DFAT liuhusi projetu HAKFOUN

Print Friendly, PDF & Email

LEAVE A REPLY

Please enter your comment!
Please enter your name here