Home Saude UNFPA Kapasita Dosente Parteira Sira, Nune’e Graduandu Sira Tenke iha Abilidade Bázika...

UNFPA Kapasita Dosente Parteira Sira, Nune’e Graduandu Sira Tenke iha Abilidade Bázika Asisténsia Partu Normál

627
0
UNFPA ho dosente parteira sira hasai foto hamutuk. [Foto: Silvino | 30.04.2024]

Reportajen Silvino Freitas

Ajénsia internasionál  Nasoens Unidas UNFPA hamutuk ho Embaixada Tailándia realiza workshop ‘hametin edukasaun parteira’ ba dosente parteira sira husi Universidade Nasionál Timor Lorosa’e (UNTL), Institutu Superior Cristal (ISC) no Institutu Siénsia Saúde (ICS), atu tulun estudante parteira sira ne’ebé gradua iha universidade hodi bele iha abilidade bázika kona-ba antenatál no asisténsia partu normál nian, nune’e mós antes atu servisu iha ospitál estudante tenke iha ona abilidade bázika maka foin bele hala’o servisu.

Reprezentante Interina UNFPA Domingas Bernardo dehan, parteira nia servisu espesífiku mak iha area maternal infantíl hodi hala’o servisu atu redús inan no bebé mate iha timor leste, nune’e antes UNTL hahú ho kursu parteira nian UNFPA komesa ona apoiu sira, nune’e kurríkulu eskola parteira sira tenke alina ba iha kualidade kompeténsia globál hodi asegura kualidade servisu ba futuru nian, tanba kada tinan universidade sira prodúz parteira foun sira nune’e tenke asegura sira atu sira remata iha universidade prontu ona atu servi ho kompeténsia baziku nian, hodi fo asisténsia no asegura bebe foin moris asisténsia ba inan ida ho planeamentu familiar.

“tanba ne’e maka sira nia abilidade bazika ne’e tenke iha no labele produz de’it, tenke asegura sira katak kuandu sai husi eskola parteira ne’e tenke iha ona skill baziku atu ajuda hodi servisu iha sentru saude sira” dehan Reprezentante Interina UNFPA Domingas Bernardo ba jornalista sira iha salaun maubara room timor-plaza, (29/04).

Nia dehan tan, UNFPA nafatin suporta sira atu bele hadi’a di’ak liu tan sira nia kualidade skill bazika sira, nune’e kuandu sira gradua ona iha universidade sira iha abilidade halo antenatál, sira bele fo ona asistensia ba partu normal, kona-ba komplikasaun bele fo treinamentu maibé bazika nian sira tenke iha rasik ona antes sai husi universidade, UNFPA nafatin suporta universidade atu hadi’a mós sira nia kurikulum fornese fasilidade sira atu bele hanorin ba estudante sira.

“kuandu loron ida ministériu saúde ka governu tenke halo tes ezamination bainhira ema tama ba servisu ka tes kompeténsia ne’e importante tebes, nune’e estudante sira ne’ebé gradua iha universidade tenke iha abilibidade skill bazika, kuandu tes laliu entaun labele servisu dadaun ne’e ministériu saúde sei halo servisu ida ne’e, se mak atu servisu iha fasilidade saúde governu nian tenke liu husi teste ida ne’e” dehan Reprezentante Interina UNFPA Domingas Bernardo.

Nia klarifika katak, universidade sira halo ona esforsu lubuk ida ba sira nia kurikulum ne’ebé di’ak no barak tebes maibé presiza hadia tan sira nia pratika laboratorio kona-ba teoria no pratika atu sira bele iha abilidade skill bazika nian, antes atu ba pratika iha ospital estudante sira tenke iha ona kapasidade iha pratika laboratorio nian, UNFPA suporta hotu ona ba sira ho fasilidade ne’ebé kompletu atu ajuda sira, suporta tuir sira nia kurikulum ne’ebé estabelese ona.

Fatin hanesan Ministériu Ensinu Superiór no Siénsia Kultúra Jose Honorio dehan, servisu ne’ebé UNFPA halo ho parseria ho governu Thailand nian atu halo woskshop ba parteira sira atu bele ajuda dosente sira husi UNTL, ISC no ICS atu bele hadia kurikulum pateira nian, ho apoiu husi governu tailandia nian ne’e atu ajuda kurikulum parteira iha timor leste, nonu governo konsidera area ne’e importante, nune’e husi kooperasaun ne’ebé halo ho governo tailandia bele mellora kualidade kursu parteira nian iha futuru.

“saida mak Thailand oferese iha prosesu workshop ida ne’e di’ak ba instituisaun 3 ne’e, workshop ne’ebé halao loron 5 ne’e partisipa masimu husi dosente sira husi ICS, ISC no UNTL ne’ebé sei diak ba sira” konklui Ministro Jose Honorio.

Print Friendly, PDF & Email

LEAVE A REPLY

Please enter your comment!
Please enter your name here