SEI Realiza Enkontru Anual Ho Média Sira Kona-ba Asesivél Jéneru

Reportajen Joselina dos Santos

Secretaria Estado Igualdade da Inclução (SEI), Realiza enkotru anual ba média sira, hodi tau prioridade kobertura ba asuntu igualdade no inkluzaun. Objetivu husi enkontru ne’e atu haree liu ba asesivél igualdade jenéru, tanba durante ne’e média barak mak la tau importansia entaun liuhosi enkontru ne’e bele loke jornalista sira-nia hanoin hodi promove diak liu tan asuntu igualdade.

Sekretaria Estadu ba Igualdade Em Ezersisu Atual Sekretariu Estadu Komunikasaun Sosial, Expedito Dias, sente haksolok tanba ohin iha avaliasaun husi SEI halo monitorizasaun ba produtu média haat imprime hanesan STL, Independente, Timor Post no Diáriu Nasionál ne’ebé seidauk maximu hala’o notísia ba asuntu  sensivel ba jéneru. Tanba ne’e enkontru ohin presiza halo barak atu jornalista sira bele hatene diak liu tan oinsá rekolla informasaun kona-ba sensivel ba jéneru nian.

“Ha’u konkorda ho kolega jornalista balun ne’ebé foti kona-ba istória feto nia susesu, labele foti deit viólensia ne’ebé mane halo ba feto ka feto halo ba mane. Maibe preisza foti notísia ne’ebé inan feton sira ne’ebé susesu ho talentu ne’ebé diak iha área ekonomia, polítika no sosiál  hodi promove feto sira”, dehan Reprezenta SEI Expedito Dias iha Edifisiu Caicoli, Segunda 29/04.

Diretór Geral Armando da Costa hatete, SEI ohin enkontru média sira hodi servisu hamutuk kona-ba entre SEI ho Média sira relasiona asuntu formasaun  igualdade nian. Iha enkontru ne’e oinsá atu asegura no asesivél ba igualdade no inkluzaun, tuir knaar média nian hodi informasaun kle’an ba públiku liga ho asuntu igualdade no inkluzaun nomos tuir programa kada média nian.

“Iha enkontru kona-ba oinsá atu dezenvolve feto Ema ho Defisiénsia nomós komunidade LQBTI ne’ebé susesu liuhosi talentu oin-oin ne’ebé sira iha. Nune’e explora posibilidade servisu hamutuk hodi fó treinamentu ba média sira ne’ebé antes ne’e fó ona média balun fahe informasaun kle’an kona-ba igualdade jéneru nian. Seluk tan troka hanoin no expetativa husi média sira ho SEI nune’e bele hasa’e tan kualidade asesivél ba jéneru nian”, dehan Diretór.