Reportajen David da Costa
Governu liuhosi Sekretáriu Estadu Asuntu Toponomia organizasaun Urbana (SEATOU) husu ba Komunidade sira iha Suku kameia Postu Administrativu Cristo Rei, Munisipiu Dili, atu koopera ho estadu bainhira alargamentu estrada husi kuluhan to’o fatuahi ne’e la’o.
Sekretáriu Estadu Asuntu Toponomia organizasaun Urbana (SEATOU) Germano Brites Dias, hateten, iha tinan ida ne’e hahú husi fulan Janeiru ba oin, governu sei fokus iha Cristo Rei, rrea kuluhun ate Manatuto, alargamentu estrada sei kona iha spasu públiku sira hotu. Tanba ne’e, komunidade sira ne’ebe uma kona iha alargamentu estrada ne’e tenke koopera ho governu.
“Ba maluk sira nian uma, baraka, Keios ne’ebe maka kona iha alargamentu estrada, ha’u husu ba ita hotu atu koopera governu no estadu,” Dehan Sekretáriu Estadu Asuntu Toponomia organizasaun Urbana (SEATOU) Germano Brites Dias, bainhira halo dialogu ho komunidade sira iha Aldeia Terminal Becora, suku kameia, Postu Administrativu Cristo Rei, Tersa 14/01.
Nia hateten tan, Governu ho estadu nunka hanoin atu halo terus nia povu, ne’ebe hanesan sidadun diak ida tenke koopera bainhira alargamentu estrada ne’e la’o. Tanba estrada husi Terminal nian to’o iha fatuahi ne’e klot tebes no asidente sempre mosu beibeik iha ne’e, tanba iha tinan hirak liu bá, ema hotu akompaña kontektor ida baku fila iha ne’e, labarik balun mate kedas iha fatin.
“Entaun ita hanesan sidadun diak ida, ita hotu-hotu tenke koopera, atu nune’e alargamentu ne’e bá, uituan ka barak Obras Públika fó, ita koopera halo didi’ak para servisu iha kapital ne’e la’o ho diak. Loron hirak liu ba ita-boot sira akompaña, iha kuluhun mai iha Becora, ita boot sira tun sae iha estrada boot ne’e haree, kuluhun komesa tesi dadauk ona ida-idak nian uma barnda ne’ebe maka kona espasu públiku, sira tesi rasik ona, sira la’os tur-tur naran ba tesi, maibé dados ne’e Obras Publiku sira foti ona no tama ona entaun sira nain rasik maka tesi rasik para labele obriga makina maka mai sobu,” nai esplika.
Tanba ne’e maka husu ba komunidade sira iha kameia Postu Administrativu Kristo Rei, Komunidade sira ne’ebe uma besik espasu publiku, husi ne’e ba estrada sorin-sorin, se nian uma maka kona espasu públiku hotu karik, koopera ho estadu ho governu para hetan indeminizasaun.
“Sira iha laran, depois hau sei ko’alia, maibé ha’u sei ko’alia sira husi ponte ne’e to’o leten ne’e, tanba ponte ne’e mos alargamentu, ita hotu-hotu tenke kuidadu ita nia transporte, ita nia sasan iha odamatan oin, hado’ok osan sira husi estrada, para makina boot mai serbisu karik, labele fó risku fali ba ita nian an, para dezenvolvimentu ne’e la’o karik ita maka sei goja iha futuru,”Tenik nia.
komunidade Afeitadu, Aldeia Terminal Becora, suku kameia, Samuel de Araújo, hateten, komunidade sira prontu kolabora ho estadu bainhira halo eviksaun, maibe komunidade sira lakoi governu uza forsa hodi halo eviksaun ba komunidade sira nian hela fatin, no sira mos husi antes hasai sira kria fatin ka kondisaun diak ida ba komunidade sira.
“Atu hateten deit liga ho dezenvolvimentu ha’u kolabora 100%, maibé hau lakoi no lamenta tebes ho eviksaun Forsada ne’ebe maka akontese dia 1 iha Fomento. Tanba nu’udar pesoal dalaruma senti triste ho eviksaun ida hanesan ne’e. Maibe antes atu hasi, ha’u kolabora 100%, maibé tenke kria kondisaun ida ne’ebe digunu ba ha’u ho ha’u nian Família sira,” nia dehan.
Agradese ba nunu governu nian planu no programa ne’ebe maka liga ba dezenvolvimentu. Maibé atu hateten mos ba estatutu rai ida ne’e, liga mos ba iha Konstituisaun RDTL Artigu 54 alin 3 hateten, Atu hasai ema ida husi propriedade privadu ba uza públiku tenke selu indeminizasaun ne’ebe maka loloos.
