Reportajen Filomena da Conceição
Ministeiru Juvetude Desportu Arte i Cultura (MJDAC) Nelyo Isaac Sarmento, fó pose ba Conselho Nacional dezenvolvimentu Juventude (sigla portugues), hamutuk ema nain 18 hodi apoiu ba atividade Juventude iha Timor-Leste atu suporta joven sira ne’ebe iha kriatividade iha area oin-oin.
“Ohin fó tomada de posse ba membru konselhu nasional juventude, eventu ne’e ko’alia kona ba reasaun procesu nasional juventude ne’ebe mai husi linhas ministeriais hotu orgaun ida ne’e nia servisu mak hanesan konsolamentu ba governu kona-ba programa sira ne’ebe mak iha,” dehan Nelio ba jornalista sira iha edifisiu MJDAC Lecidere, Kinta, 30/01.
Nia Esplika, Iha membru komsellu refere kompostu husi linhas ministeriais sira tuir organizasaun inklui instituisaun no orgaun nasional juventude sira no Asosiasaun Difisiensia Timor Leste (ADTL), no mos setor públiku no privadu tanto iha kamara komersiu industria nia hotu nunee’e para atu hato’o no elabora programa bele iha kolaborasaun entre setor privado no instituisaun Governu nian no mos sensetivu oituan ba joven potensial iha area difisiensia no mos konselhu nasional ne’ebe hari liu ba potensia.
“Ita boot sira hatene populasaun 70% se ita hakarak garante sustentabilidade mai ho kualidade inovasaun kreativo entaun linhas ministeriais hotu tenke iha hanoin programa ho orsamentu ba area joven sira ba joven feto no mane no mos difisiensia sira. Justisa ha’u nia, justisa ha’u mak lidera ida ne’e hanesan estadu ne’ebe halo politika ba area joven ita iha politika nasionál juventude iha mos programa no asaun ba joven sira ne’ebe ke Ministeriu sira mak responsabilidade ba ida ne’e saúde i agrikultura,” nian dehan.
Governante ne’e salienta tan katak, membru CNDJ hirak ne’e, mai husi diretor gerais sira iha kada Ministeriu ida-idak nian, hodi servisu hamutuk ho kolsellu Ministru no MJDAC atu elabora programa sira no fó atensaun maximu ba area hirak ne’ebe sira lidera liuliu ba programa Joventude ira nian.
Iha Fatin hanesan, reprezsntante membru Conselho Nasional dezenvolvimentu juventude (CNDJ), Sejario da Silva, agradese ba knaar ne’ebe maka fó ona mai no sei prontu halo servisu hamutuk ho MJDAC hodi kontribui ba dezenvolvimentu joventude nian.
“Hanesan Coseelho nasional dezenvolvementu juvetude hakarak agradese no prontu simu reponsabilidade Ida ne’e hodi la’o hamutuk ho MJDAC hodi hala’o knaar sira tuir kompetensia no atribuisaun tuir rejimentu neebe define iha rejimentu konsellu nasional juventude nian”, dehan sejario
Nia akresenta, ema hotu hatene no konsiste katak juventude mak futuru ba nasaun nian tanba ne’e merese estadu halo investimentu ida ne’ebe profunda hodi prepara joven ba prosperu, rezilente no sustentavel, ida ne’e hanesan asaun ida husi entidade hotu-hotu nian Tantu publiku no privada sira.
“Hanesan membru konsellu nasional dezenvolve juvetude knaar no responsabilidade ne’ebe define ami prontu atu tuir no kolabora tuir institusaun ida-idak ninia formatu,” Nia afirma.
Entretantu, Membru Conselho Nasional dezenvolvimentu juventude ne’ebe simu pose ho total hamutuk 18 ne’ebe asumi knaar refere ho periodu tinan 5.
